Popular Bible Verses from Ɛfɛsusnima 6

Share

Dama pa ti mini ninsalinima n-tuhiri taba, amaa ti mini alizinnim’ bɛn be sagbana tiŋli ŋɔ na mini bɛn nyɛ zuɣulaannima ni bɛn su fukumsi mini dunia ŋɔ yikolaannim’ bɛn be zibisim ʒiɛmani ŋɔ ni la n-tuhiri taba.

Niŋmiya dimbɔŋɔnim’ zaa wunsuhigu puuni n-yɛri Naawuni ni o sɔŋmi ya. Kul suhimiya Naawuni sahakam kaman Naawuni Shia Kasi ni wuhiri ya shɛm. Daliri ŋɔ zuɣu kul lihimiya viɛnyɛliŋga ka di tiriya gbini, ka kul suhimiya Naawuni sahakam tiri Naawuni ninvuɣ’ gahinda zaa.

Yɛmiya Naawuni gbaɣino mini di nɛma zaa, ka di chɛ ka yi tooi nyaŋ Sintani yɛŋkiŋkabina soya zaa.

Dinzuɣu yɛmiya Naawuni gbaɣino mini di nɛma zaa, ka di chɛ ka yi tooi ba n-zani dabisi’ biɛɣu dali, ka yi yi niŋ dimbɔŋɔnim’ zaa, yi shiri ni ba n-zani.

Ka din gari di zaa nyɛla, zaŋmiya yɛda niŋbu leei bintaɣirisi din ni chɛ ka yi tooi tiligi Sintani piɛma din noya ni mali buɣim la nyɔɣibu. Zaŋmiya tiliginsim kaman tɔbutuhir’ zuɣupila la pili, ka zaŋ Naawuni yɛligu din nyɛ Shia Kasi takɔb’ la gbibi.

Dinzuɣu malimiya shili zani. Zaŋmiya yɛlimaŋli leei shɛlɔriti lo yi shɛhi ni, ka zaŋ wuntitali leei yi nyɔtaɣirisi; ka zaŋ suhudoo lahibal’ suŋ molo molibu leei namdanim’ piri.

Din bahindi nyaaŋa nyɛla ŋ-ŋɔ: Maliya yaa ti Duuma min’ o kpiɔŋ ni o yiko ni.

Naawuni fukumsi zaligunim’ ni din tuui mal’ alikauli di ni yɛliya: Tim’ a ba min’ a ma jilima. Dina n-ni chɛ ka yi mal’ alaafee ka lan yuui dunia ŋɔ ni.

Bihi, deemiya yi banim’ mini yi manim’ noya ti Duuma zuɣu, dama dina n-tuhi.