Popular Bible Verses from 2 Timoti 4

Share

N tuhi tuhiri suŋ; n zo tizɔbo la naai; n gbib’ yɛda niŋbu la.

Yihim’ Naawuni yɛligu waazu: kul yirigim’ di zuɣu saha shɛlikam zaa; saɣisim’ niriba; kpahimi niriba zuɣu ni; kpammi niriba jaande; wuhimi niriba suɣilɔdibo pam puuni.

Dama saha shɛli kanna ka niriba ti ku lan deeri wuhibu maŋli, amaa ka ni dolila bɛmaŋmaŋ’ kɔre soli n-kul bɔrila karimbanim’ bɛn ni wuhiri wuhibu shɛŋa din niŋdi ba nyaɣisim pahira. Bɛ ni zaɣisi yɛlimaŋli wumbu ka zaŋ bɛ zaɣa niŋla kurimbuni ha lahibaya din pa yɛlimaŋli ni.

Amaa nyin’ kul gbaam’ amaŋa yɛlli kam ni; mali suɣilo wahala dibu ni; tummi lahibal’ suŋ molo molibu tuma, ka tummi Naawuni ni piig’ a ni a tum tuun’ shɛl’ la.

Ka pumpɔŋɔ wuntitali zuɣupil’ shɛli ti Duuma ŋun mali wuntia n-kariti saria la ni ti yɛn zaŋ ti ma di dabisili la dali n-do n-guli ma, ka di pala n kɔŋko ka o ti yɛn zaŋ ti, amaa o ni ti zaŋ li ti bɛnkam zaa gba suhuri ye o labbuna zuɣu la.