Popular Bible Verses from 2 Timoti 3

Share

Ka yɛtɔɣ’ shɛŋa zaa din be Naawuni Kundi ni yila Naawuni nol’ ni na, ka nyɛ din mali buchi pam zaŋ chaŋ wuhibu mini saɣisibu ni zuɣu ni kpahibu ni wuntia soli wuhibu polo. Di ni chɛ ka Naawuni nir’ bebu mali m-be viɛnyɛliŋga zaa, ka o mali din ni chɛ ka o tooi tum tuun’ suŋ kam.

Baŋmi dimbɔŋɔ: ʒiɛmana din bahindi nyaaŋa puuni nandahima ni ti beni sahasaha. Di saha maa daadamnim’ ni ti nyɛla bɛn yuri bɛmaŋ’ yaɣi, ka shɛb’ nyɛ laɣiyuriba, ka shɛb’ nyɛ karimbaannima, ka shɛb’ nyɛ barinyuriba, ka shɛb’ nyɛ ninvuɣ’ turiba, ka shɛb’ nyɛ bɛn bi deeri bɛ laamba noli, ka shɛb’ nyɛ gutulinima, ka shɛb’ nyɛ bɛn biɛhigu bi be kasi. Ka bɛ ni shɛb’ ni nyɛla ninkuunsinima mini halikpɛmanima ni munaafichinima ni bɛn bi gbaari bɛmaŋa ni ninvuɣ’ yarisi ni bɛn je zaɣ’ suŋ ni nyaanyiriba ni bɛn baɣa ka shɛl’ ni ni maŋduhiriba ni bɛn yuri niŋgbuŋ kɔre nyaɣisim gari Naawuni. Bɛmbɔŋɔnim’ nyɛla bɛn doli adiini soli kaya, amaa ka lee chihi di yiko. Gbaam’ amaŋ’ ni niriba ŋɔ tatabo.