Popular Bible Verses from Aizaia 42

Share

Man’ Yawɛ m-bol’ a wuntitali puuni. Mani n-gbaag’ a nuu ni ka gbib’ a. N zaŋ a mi lo niriba alikauli, ni a nyɛ zuliya kam neesim. A ni neei zoomba nina, ka yihi dansarikanim’ bɛn be zibisim ni la bahi.

Mani n-nyɛ Yawɛ, n yuli m-bala. M bi zaŋdi n jilima tiri so. M mi bi zaŋdi m paɣibu tiri binnana.

N dabili m-bɔŋɔ. N ni pii so ni n suhu ni yu so m-bala. N zaŋ n shia niŋ o ni. O ni ti wuhi niriba zaligu soli.

O ku kabigi gbiŋgbaŋ din dalim. O mi ku kpihi firila mia din diri biɛlabiɛla. O ni wuhi zaligu soli ni yɛlimaŋli. O ku yihi tahima bee n-gbarigi, hal ka o ti wuhi zaligu soli ni nyɛ shɛm dunia ŋɔ ni, ka tin’ shɛŋa din be katinsi nim’ ti ʒiya guhir’ o wuhibu.

N ni vo zoomba doli bɛ ni na ʒi n-doli so’ shɛŋa, ka wuhi ba bɛ ni ʒi so’ shɛŋa. N ni chɛ ka zibisim din be bɛ tooni leei neesim, ka mali luɣ’ shɛŋa din be gbirimagbirima la ka di niŋ polipoli. Dimbɔŋɔnima n-nyɛ n ni yɛn niŋ shɛli, ka m mi ku bahi ba.

Nyamiya, biŋkura la zaa gariya; pumpɔŋɔ bimpala yɛla ka n yɛra. N yɛn daŋmi yɛli ya di yɛla pɔi, ka di naanyi kana.