Popular Bible Verses from MATEO 9

Share

Yatiqirinakaparusti Jesusax sänwa: —Chiqpachansa, yapu apthapiñax waljapuniwa, ukampis irnaqirinakaw juk'aniki. Ukhamax yapuniruy irnaqirinak khithaniñapatak mayipxam —sasa.

Sarapxam, ukatsti kuntix aka arsüwix sañ munki uk amuyt'anipxam: ‘Nayax jumanakan khuyapt'ayasirïpxañam munta, janiw luqtanak munkti’. Janiw aski jaqinakar jawsir jutkti, jan ukasti juchararanakar jawsiriw jutta —sasa.

Walja jaqinak uñjasinsti, Jesusax jupanakat khuyapt'ayasïnwa, jupanakasti jan awatirin ovejanakjam wali llakt'ata, t'aqhisitäpxänwa.

Jesusasti uk ist'asin sänwa: —K'umar jaqinakax janiw mä qullir munapkiti, jan ukasti usutanakaw qullir munapxixa.

Jesusasti jach'a markanaka, jisk'a markanak muytäna, sinagoganakan yatichasa. Diosan qhapaq markapan suma yatiyäwi arunak yatiyäna, ukatsti kunayman usutanakaru, ayqurinakaruw k'umarachäna.