Popular Bible Verses from MATEO 10

Share

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Khititix jakañap qhispiyasiñ munanixa, apt'asiniwa, ukampis khititix jakañap naya layku apt'asinixa, qhispiyasiniwa.

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

khititix cruzap jan q'ipxarus nayar arkkitu ukax, janiw nayatakjamäkiti.

“Khititix jaqinak nayraqatan nayat arsunixa, nayasti alaxpachankir Awkixan nayraqatapan jupat arsurakï; ukampis khititix jaqinak nayraqatan nayar jan uñt'ir tukunixa, nayasti janirakiw alaxpachankir Awkixan nayraqatapan jupar uñt'ir tukkäti.

Usutanakar k'umaraptayapxam, jiwatanakar jaktayapxam, lepra usuninakar q'umachapxam, ñanqha ajayunakarus alissupxarakim. Ukanak lurañatakisti, inakiw ch'am katuqapxtaxa, inakirak churanipxam.

Ukhamasti jan axsarapxamti, jumanakax uka jisk'a jamach'inakat sipansa, jila alanïpxtawa.

“Janiy amuyapxamti, nayax akapachar sumankañsa apankirista ukhama; janiw sumankañ apankti, jan ukasti jan walt'ayasiñanakak apanta.