Popular Bible Verses from MATEO 8

Share

Jupasti sarakïnwa: —¡Juk'a iyawsañan jaqinaka! ¿Kunatsa sinti mulljasipxta? —sasa. Uk sasinsti, sartasisin thayampiru qutampiruw tuqinuqäna, arsutaparusti thayasa, qutas t'akurawayxänwa.

Capitanasti ukxarux sarakïnwa: —Tatay, janiw nayax askïkti utaxar juman mantañamatakixa; jan ukasti akkhatpachak uywataxan k'umaraptañapatak arsum, jupasti k'umaraptxaniwa.

Jesusasti uk ist'asin wali musphataw uñjasïna, jupar arkirinakarusti sarakïnwa: —Qhanak sapxsma, israelitanak taypin janiw maynirus aka chachjam iyawsañan jikxatkti.

Jesusasti capitanarux sarakiwa: —Utamar sarxam, ukasti iyawsatamarjam luraspan —sasa. Uywatapasti ukspachaw k'umaraptxäna.

Jupanakasti wali muspharataw jiskt'asipxäna: —¿Khitïpachas jupaxa? ¡Qutas thayas juparux ist'akirakisä! —sasa.