Popular Bible Verses from MATEO 7

Share

“Mayipxam, Diosax churapxätamwa; thaqhapxam, jikxatapxätawa; punku liqt'apxam, jist'aratäpxätawa.

Mayirix katuqiwa; thaqhirix jikxatiwa; punku liqt'irirusti jist'aratawa.

“Khititix ist'kitu ukat kuntix siskta uk lurki ukax, qarqa patar utachasir amuyt'an jaqir uñtatawa.

“Kunjämtix jumanakax jaqinakamp uñjatäñ munapkta ukhamarak jumanakax jupanakar uñjapxam; ukham lurañax kamachimpina, profetanakampin yatichatawa.

ukampis jakañar irpir thakhimpi, punkumpix wali k'ullk'uwa, juk'anikiw ukanak jikxatapxi.

“K'ullk'u punku chiq mantapxam. Chhaqhañar irpir thakhimpi, punkumpisti jach'awa; waljanirakiw uka chiq mantapxi

Jumanakatix, jan wali jaqïkasin, sumäkis uk wawanakamar churapxstaxa, ¡alaxpachankir Awkimasti, khitinakatix jupar mayki ukanakarux juk'amp sumanak churarakinixa!

“Jaqi masimarux jan juchañchapxamti, jumanakar Diosan jan juchañchañapataki. Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

Ukampis khititix ist'kitu ukat janirak kuntix nayax siskta uk lurki ukaxa, ch'alla patar utachasir jan amuyt'an jaqir uñtatawa.

¿Kunatarak jumasti jilaman nayrapan mä jisk'a t'unan utjatap uñch'uktasti, ukat jumax janirak amuyasktati mä thuru lawan nayramankatapatsti? ¿Kamisarak jilamar sasmasti: Nayramankir t'una apsüma, sasa, pachpa nayraman mä thuru lawa utjkipansti?

“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa. Jumanakax luräwinakapat uñt'apxäta, yatipxtawa, janiw ina ch'aphinakat uvax apthapiskiti, janirakiw higos aliq ch'aphirar quqat apthapiskaspati.

Suma quqanakax suma achunak churi, jan suma quqanakasti jan wali achunakarak churi.

Suma quqasti janiw jan wali achunak churkaspati, janirakiw jan wali quqas suma achunak churkaspati.

Jan wali achu churir quqanakasti phat'anukutawa, ukatsti ninar phichhantatarakiwa.