Popular Bible Verses from APOCALIPSIS 2

Share

Chaywampis, noqajta uj ima tiyan contraykipi, ñaupaj kaj munakuyniykita saqerpayasqaykimanta.

Chayrayku yuyarikuy maymantachus urmasqaykita. Juchamanta ithirikuy, ñaupaj ruwaykunata ruway; manachayrí, usqhayta qanman jamusaj, k'anchachinaykitataj maypichus kananmanta qhechusaj, manachus juchamanta Diosman kutirikunki chayqa.

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

Ruwayniykita, llank'asqaykita, pacienciaykitawan rejsini. Yachanitaj sajra runastapis mana rikuyta atisqaykita; apóstoles kayku nejkunatapis pruebaman churasqaykita; llullas kasqankutataj rikurichimusqaykita.

Pacienciawan ñak'arerqanki sutiyrayku mana sayk'uspa.

Ningriyoj kajqa uyarichun imatachus Espíritu iglesiasman nisqanta. Atipajmanqa pakasqa mana nisqata mikhuchisaj, juch'uy yuraj rumitataj qosaj. Chay juch'uy rumipitaj uj mosoj suti escribisqa. Chaytaqa mana pipis rejsinchu, astawanqa pichus chayta jap'ejlla rejsin.