Popular Bible Verses from APOCALIPSIS 13

Share

Kaypi yachay tiyan. Yachayniyojqa phiña animalpa yupayninta yupachun. Chayqa runaj yupayninmin. Chaypa yupaynintaj, sojta pachaj sojta chunka sojtayoj.

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Kamachillarqataj juch'uykunaman, jatuchejkunaman, qhapajkunaman, pisichikojkunaman, kacharisqasman, kamachisman ima, paña makisninkupi, chayrí frentesninkupi marcata churakunankuta. Manataj pipis rantiyta, chayrí qhatuyta atejchu, astawanqa marcayoj kajlla, chayrí phiña animalpa sutinwan, chayrí sutimpa yupayninwan kajlla.

Pillapis presochajqa, presochasqallataj kanqa. Pillapis espadawan wañuchejqa, espadallawantaj wañuchisqa kanqa. Kaypimá kashan ajllasqaspa pacienciankoqa, feninkutaj.

Mar qocha t'iyu patapi sayaykukorqani. Rikorqanitaj mar qochamanta uj phiña animalta wicharimushajta, chunka wajrayojta, qanchis umayojtataj; wajrasnin patapitaj chunka pilluyoj, umasnin patapitaj Diospaj sajrata rimay sutisniyoj.

Payman qollarqankutaj Diospaj ajllasqasninwan maqanakuspa atipanampaj. Ajinallatataj aterqa kamachiyta tukuy ayllusta, llajtasta, waj laya parlaykunapi parlajkunata, tukuy runasta ima.

Ñaupaj phiña animalpa ñaupaqempi, jatuchaj rikuchinasta ruwanampaj atiyta qorqanku. Chaykunawantaj kay pachapi tiyakojkunata ch'aukiyarqanku; kamacherqataj paykunaman ruwanankuta phiña animalpa lantinta, pichus espadawan k'irisqa karqa, kausarqataj. Payman atiyta qorqanku, phiña animalpa lantinman kausaj espirituta qonampaj, lantintaj parlanampaj. Kamacherqataj phiña animalpa lantinta yupaychanankuta, mana yupaychajtarí wañuchinankuta.

Chay phiña animalta rikusqaytaj uj pumaman rijch'akorqa, chakisnintaj jukumarejta jina, simintaj leompa simin jina. Sierpetaj chayman atiyninta, trononta, jatun kamachiynintawan qorqa.

Payman simi qosqa karqa, jatuchaj imasta, Diospaj sajrata parlaykunatawan parlanampaj. Atiytapis qorqanku chay imasta ruwanampaj, tawa chunka iskayniyoj killa junt'ata.

Ujnin umanta rikorqani wañunampaj jina k'irisqata. Wañuypaj k'iriynintaj thañikaporqa. Tukuy kay pachapi runas t'ukuspa chay phiña animalta qhaterqanku.

Chay qhepata, uj phiña animalta jallp'amanta wicharishajta rikorqani iskay wajrasniyojta, corderota jina, sierpe jina parlajta. Ñaupaj phiña animal jina tukuy atiyniyoj karqa paypa ñaupaqempi, kay pachawan, chaypi tiyakojkunawan, chay ñaupa phiña animalta yupaychacherqa, pejpatachus chay wañuyman apaj k'irisnin thañisqa karqa.