Popular Bible Verses from APOCALIPSIS 12

Share

Paykunaqa atiparqanku Corderoj yawarninrayku, Diospa palabranta willasqankurayku, pisipitaj kausayninkuta jap'isqankurayku wañunankukama.

Janaj pachamanta uj sinch'ita parlamojta uyarerqani, nimojta: Kunanqa Diosninchejpa salvacionnin, atiynin, reinompis chayamunña, Cristompa atiynimpis. Hermanosninchejta ch'atajqa, wijch'usqa kashan, pichus tuta p'unchay Diosninchejpa ñaupaqempi paykunata ch'ataykoj, chay.

Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

Chayrayku kusikuychej janaj pachakuna, chaypi tiyakojkunapis. Ay, jallp'a patapi, qocha patapipis tiyakojkunamanta!, imaraykuchus supayqa manchay phiñasqa qankunaman uraykamun, yachaspa paypaj pisi tiempollaña kasqanta.

Jatun maqanakutaj janaj pachapi karqa. Miguel, angelesnin ima sierpewan maqanakorqanku.

Chaypachataj sierpeqa warmipaj mayta phiñakorqa; rerqataj warmej mirayninmanta kajkunawan maqanakoj, Diospa kamachisqasninta waqaychanku, Jesuspa willasqasnintataj jap'inku chaykunawan.

Uj jatun señaltaj janaj pachapi rikhurerqa. Intiwan p'achallisqa warmi, killataj chakisnin urapi, uman patapitaj uj pillu chunka iskayniyoj qoyllurkunayoj. Wijsallisqa kaspataj, wachakuy nanaykunawan qhaparispa, nacichikunampaj ñak'arisharqa.

Warmitaj uj qhari wawata nacichikorqa, paytaj tukuy llajtasta fierro varawan kamachenqa. Wawantaj oqharisqa karqa Diospaj, tronompajtaj. Chay warmitaj ch'inman ayqerqa, maypichus uj cheqata Dios paypaj wakicherqa chayman. Chaypitaj waranqa iskay pachaj sojta chunkayoj p'unchayta payman mikhucherqanku.

Waj señaltaj janaj pachapi rikukorqa: Uj jatun puka sierpe, qanchis umayoj, chunka wajrayoj, umasnimpitaj qanchis pilluyoj. Chupantaj janaj pachapi qoyllurkunaj kinsa kaj t'aqanta phiskurparerqa, jallp'amantaj wijch'uykamorqa. Chay sierpeqa wachakunayashaj warmej ñaupaqempi sayaykorqa, wachakojtinkama wawanta oqoykunampaj.

Warmimantaj jatun ankajpa iskaynin lijrasninta qorqanku, phawanampaj katarej qayllanmanta ch'innejman, maypichus tiyakun chayman, maypitajchus mikhuchinku uj tiempopaj, tiempospaj, khuskan tiempopaj ima. Kataritaj warmej qhepanta siminmanta yakuta ajtumorqa mayuta jina, chay warmita yaku apanampaj. Jallp'ataj warmita yanaparqa; jallp'aqa siminta kicharispa chay mayu yakuta ch'onqaykorqa, mayqentachus sierpeqa siminmanta ajtumorqa, chayta.