Popular Bible Verses from APOCALIPSIS 14

Share

Janaj pachamanta uj wajyamuwajta uyarerqani, nispa: Escribiy: Kusikuyniyojmin kanku kunanmanta qhepaman Señorpi wañojkunaqa. Arí, nin Espiritoqa, sayk'uyninkumanta samakonqanku, imaraykuchus ruwasqasninkoqa paykunawan kashanku.

Kaypi kashan ajllasqaspa paciencian. Kaypi kashanku Diospa kamachisqasninta, Jesuspa fenintapis waqaychajkuna.

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Kinsa kaj angeltaj paykunata qhaterqa, qhaparispataj nerqa: Pillapis phiña animalta lantintapis yupaychanman, frentempitaj, chayrí makimpitaj marcata churachikunman chayqa, paypis Diospa phiñakuynimpa vinonmanta ujyallanqataj, chay mana imawan chajrusqa, jich'asqataj kashan phiñakuynimpa vasompi, chaymanta. Ajinallatataj ninawan, azufrewan ñak'arichisqa kanqa, ajllasqa angelespa ñaupaqempi, Corderoj ñaupaqempi ima. Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

Chantá rikorqanitaj Corderota Sión orqo patapi sayashajta, paywantaj kashajta pachaj tawa chunka tawayoj waranqa runasta. Paykunaj frentesninkupitaj paypa sutin, Tatampa sutin ima escribisqa karqa.

Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

Waj angeltaj payta qhaterqa, nispa: Urmanña, urmanña jaqay jatun Babilonia llajta, pichus millay qhenchachakuy vinonta tukuy llajtasman ujyacherqa, chay.