Popular Bible Verses from EFESIOS 2

Share

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Diospa khuyakuyninnejta ferayku salvasqas kankichej. Kaytaj mana qankunamantachu jamun, manachayqa Diospa regalon. Manataj ruwasqasraykuchu ama pipis jatunchakunampaj.

Diosqa khuyakuypi qhapaj kaspa munakuwarqanchej chay jatun munakuyninwan. Juchasninchejpi wañusqasraj kashajtinchej, Diosqa Cristowan khuska kausayta qowarqanchej. Diospa khuyakuyninrayku salvasqas kankichej.

Diosqa Cristo Jesustawan khuskata kausarichiwarqanchej, ajinallatataj janaj pachapi paywan tiyachiwarqanchej.

Ajinapi manaña waj llajtayoj jinachu kankichej, nitaj wajyarisqa jinachu; manachayqa uj llajtayojllaña kankichej ajllasqaswan, Diospa wasimpitaj wawasnin kankichej. Qankuna apostolespa, profetaspa wakichisqanku patapi sayachisqas kankichej; chay kuraj kaj rumitaj kikin Jesucristo.