Popular Bible Verses from 2 TIMOTEO 1

Share

Diosqa mana manchachikoj espiritutachu qowarqanchej. Astawanqa atiyniyoj espirituta, munakuyta, allin yuyayniyojtataj.

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

Chayrayku yuyarichiyki, Dios qosorqa chay atiyta ninata jina larwarichinaykita; chay ateyqa qampi kashan, makisniyta pataykiman churasqayrayku.

Chayrayku ama p'enqakuychu Señorninchejmanta willayta, nitaj noqamantapis payrayku carcelpi wisq'asqa kasqaymantapis. Astawanqa qampis noqawan khuska llakikuy evangeliorayku, Diospa atiyninman jina.

Chayrayku ñak'arishani kay tukuy imaspi. Chaymantaqa mana p'enqakunichu, imaraykuchus allinta yachani pipichus creesqayta, atiyniyojtaj kasqanta waqaychanampaj chay imatachus qowasqanta jamoj p'unchaykama.