Popular Bible Verses from 1 TIMOTEO 6

Share

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

Tukuy sajra kajpa saphenqa qolqeta munakuy. Chayta munapayaspa wakenqa Diosmanta t'aqakorqanku, ashkha imaymana llakiykunapitaj rikukorqanku.

Diosta yupaychayqa runata qhapajyachin uj imachus kapusqanwan kusisqalla kajtenqa.

Kay pachamanqa mana imayoj jamorqanchej, jinallataj ni imata kaymanta apasunchu.

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

Qhapajyayta munajkunaqa, sajra munaywan atipachikuspa, tojllapi jina urmanku, tukuy qhasi munapayaykunaman. Chaykunaqa runasta wañuyman apanku, chinkaymantaj.

Qhapajkunaqa allin kajta ruwachunku, allin ruwasqasninkuta astawan yapachunku, khuyakuywantaj qorichunku mana mich'akuspa. Ajinapi paykuna kikinkupaj kapuykunata tantachunku jamoj p'unchaykunapaj, wiñay kausaymanta mana kacharikuspa.