Popular Bible Verses from 1 JUAN 1

Share

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Mana juchayojchu kanchej nisunman chayqa, noqallanchejtaj ch'aukiyakunchej. Cheqa kajtaj mana noqanchejpichu kashan.

Kay yachachiyta Jesucristomanta uyarerqayku, qankunamantaj willamuyku: Diosqa k'anchaymin, manataj paypeqa ni ima laqhayajpis kanchu. Dioswan ujlla kanchej nisunman, laqhapitaj purisunman chayqa, noqanchejqa llullakunchej, manataj cheqa kajtachu ruwanchej.

Mana juchallikunchejchu nisunman chayqa, llullata jina Diosta qhawachinchej, palabrantaj mana noqanchejpichu kashan.