Popular Bible Verses from 1 JUAN 2

Share

Ama mundota munakuychejchu, nitaj mundopi kaj imastapis. Pillapis mundota munakun chayqa, Dios Tataj munakuynenqa mana paypichu kashan. Tukuy ima kay mundopi kajqa, kay jina kanku: Aychaj munapayaynin, ñawispa qhawapayaynin, umata oqhariypiwan. Kay tukuy imaqa mana Dios Tatamantachu, mundomantamin.

Kay mundoqa tukukapushan, jinallataj sajra munapayaynimpis. Diospa munayninta ruwajrí, wiñaypaj kausanqa.

Pichus Diospi kani nejqa, paypi purinan tiyan, imaynatachus Jesucristo purerqa ajinata.

Wawitasníy, kay imasta escribimuykichej ama juchallikunaykichejpaj. Pillapis juchallikunman chayqa, Dios Tataj ñaupaqempi kutikuwajninchej tiyan. Payqa cheqan kaj Jesucristo.

Pillapis Diosta rejsini ninman, kamachisqasnintataj mana kasunmanchu chayqa, llullaqa. Manataj cheqa kaj paypichu kashan.

Diospa kamachisqasninta kasusqanchejpi yachanchej payta rejsisqanchejta.

Pichus k'anchaypi kashani nin, wauqentataj chejnin cheqa, laqhallapiraj kashan.

Pitaj llullari, manachu Jesusta mana Cristochu nej? Chay runamá anticristoqa; imaraykuchus Dios Tatata, Churintawan qhesachan.

Pichus Churita qhesachan chayqa, mana Dios Tatayojchu. Pichus Churita sonqompi jap'in chayqa, Dios Tatayoj.