Popular Bible Verses from 1 CORINTIOS 2

Share

Imaynachus escribisqapi kasqanman jina: Imatachus ñawi mana rikorqachu, nitaj ningri uyarerqachu, nillataj sonqonkupi yuyarqankuchu, chaykunatataj Dios wakicherqa payta munakojkunapaj.

Pichus mana Espiritupi kajqa, mana imatapis rejsinchu Diospa Espiritunmanta, imaraykuchus paypaj qhasi mana kaj yachachiy, manataj yuyaychakuyta atinchu; imaraykuchus kay imasqa Espirituman jina rejsisqa kanqa.

Chay imastaqa Dios rejsichiwanchej Espiritunnejta; imaraykuchus Espiritoqa allinta rejsin tukuy imata, Diospa may ukhu yachaynintapis.

Noqanchejtaj mana kay mundoj espirituntachu jap'erqanchej. Diosmanta jamoj Espirituta jap'erqanchej, yachananchejpaj imatachus Dios khuyakuywan qowasqanchejta.

Qankuna ukhupeqa, pisi kallpayoj karqani, anchata manchachikuspa, kharkatitispataj; palabrasniypis, willasqaypis, mana runakunaj yachayninman jinachu karqa; astawampis Espíritoj rikuchiyninwan, atiyninwantaj karqa, amataj feniykichej runakunaj yachaynimpi kanampaj, astawanqa Diospa atiynimpi.