Popular Bible Verses from Ɛ̍sɔ̍dɔ̍ɔ̄ 8

Share

Mɛ̄ɛ̍ māsā bɛ̍ndōo̍ wānāā ndūāā māŋgālāa̍ ā chē vɛ̄lɛ̄ nyɛ̄ Mūu̍sē nda̍ E̍lɔ̄ŋ a̍ to̍sa̍ wo̍, nda̍ bɛ̍ɛ̍ ma̍ kīndī kīndī o̍ nɛ̄ī o̍ nɛ̄ī ni̍ŋ le̍ mā māŋga̍la̍ nyāā kīsīa̍a̍, kɛ̍ ā nɔ̍la̍ le̍. Mi̍ nyāā kīsīa̍a̍ ha̍ā ā tīū bā o̍ bā fe̍e̍ o̍ lɛ̄ŋndē I̍chi̍pīle̍ŋ ni᷄ŋ. Mi̍ wānāā māŋgālāa̍ ha̍ā lō o̍ ko̍ŋ, ma̍ dīmūl māsāa̍ I̍chi̍pī āā, “He̍ī ndi̍ ō cho̍ wāna̍ chi̍e̍e̍ le̍ to̍sa̍ ndi̍ le̍. Mɛ̄lɛ̄ka̍ kpe̍e̍kpe̍i̍ to̍sa̍ ndi̍ ni̍.” Kɛ̍ a̍ ko̍ŋ kpo̍u̍, mi̍ māsāa̍ I̍chi̍pī ō hīāū lāchī a̍ bōllē kālāle̍ŋ tōsāa̍, mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mi̍ yɛ̍, māsā bɛ̍ndōo̍ I̍chi̍pī o̍ ye᷄ŋ Mūu̍sē nda̍ E̍lɔ̄ŋ lānī le̍.

O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl vɛ̄lɛ̄ Mūu̍sē āā, “Kɔ̍ nāa̍ māsā bɛ̍ndōo̍ I̍chi̍pī chu̍a̍, mā kɔ̍ di̍mūl ndu̍ māā Mɛ̄lɛ̄ka̍ Ya̍a̍wɛ̄ɛ̄ di̍mi̍ āā, ‘Ma̍l wa̍nāā nīa̍a̍ mā kūɛ̄ mā kɔ̍ so̍o̍lūū ya̍.

Kɛ̍, mɛ̄ɛ̍ Māsāa̍ I̍chi̍pī o̍ che᷅ māā sɔ̄lāa̍ wa̍ nda̍ pālāa̍ wa̍ ā chūū wu᷄ kpo̍u̍, mbo̍ hīāū lāchī a̍ bōllē kālāle̍ŋ tōsāa̍, ō ye᷄ŋ Mūu̍sē nda̍ E̍lɔ̄ŋ lānī le̍. Mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mi̍ yɛ̍, le̍nde̍ ko̍ni̍ i̍ yɔ̍nu̍ŋ ni̍.

Tē a̍ me̍l nda̍ le̍, I̍ cho̍ lɛ̄ŋndē I̍chi̍pīle̍ŋ nyɛ̄ pālāa̍ tūsī chōo̍. Sɔ̄lla̍ chō hūnɔ̄ɔ̄ lɛ̄ŋndē I̍chi̍pīle̍ŋ chūā kpo̍u̍.

O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl Mūu̍sē āā, “Di̍mu̍l E̍lɔ̄ŋ ō lɔ̍ɔ̍ chu̍ndo̍o̍ lɛ̄ŋ a̍ tīnda̍ cho̍ ndu̍ o̍ bā wo̍. Tē ō lɔ̄ɔ̄ pɛ̍, chu̍ndo̍o̍ o̍ lɛ̄ŋndē I̍chi̍pīle̍ŋ ni᷄ŋ ō chō chɔ̄nɔ᷄ŋ o̍ hūēīye̍ ni᷄ŋ, mbō sīmnu᷄ŋ nya̍ā kīsīa̍a̍.”

Mɛ̄ɛ̍ pāa̍le̍ŋ lē sɛ̄ dīi̍mā ndɔ̄ɔ̍, mi̍ Mɛ̄lɛ̄ka̍ Ya̍a̍wɛ̄ɛ̄ to̍sā nyɛ̄ o̍ di̍mi̍ wo̍. Mbo̍ yɔ̄ŋ pēŋgi̍a̍a̍, ma̍ tīū lɛ̄ŋndē I̍chi̍pīle̍ŋ kpo̍u̍. Māsā bɛ̍ndōo̍ I̍chi̍pī chīɛ̄ī ndɔ̍ lēmāsāa̍ ni̍, a̍ chīɛ̄īlā wānāā ndūāā bɛ̍ndūa̍a̍, mi̍ pēŋgi̍a̍a̍ hīālū kpo̍u̍. Lɛ̄ŋndē I̍chi̍pīle̍ŋ kpo̍u̍, mī le̍ tāmbū a̍ pēŋgi̍a̍a̍.