Popular Bible Verses from Ɛ̍sɔ̍dɔ̍ɔ̄ 9

Share

Kɛ̍, le̍ sa̍bū ya̍ chɛ̍l lɔ̄ nya̍ mi̍ lā wā wɔ̄ yōōmū wo̍ cho̍ ni̍, le̍ mī chɔ̍m nya̍ māā ya̍ Mɛ̄lɛ̄ka̍ wāna̍ kpāāya̍ bɛ̍ndōo̍ ya̍ I̍ cho̍ ni̍. O̍ ko̍ŋ, mī wāŋnda̍ kpo̍u̍ o̍ chi̍e̍ēŋndo̍ chōo̍, mā dīmi̍ a̍ ya̍ o̍kɔ̄ɔ̄.

O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ di̍mūl vɛ̄lɛ̄ Mūu̍sē āā, “Mūu̍sē, kɔ̍ nāa̍ māsā bɛ̍ndōo̍ I̍chi̍pī chūa̍ mā kɔ̍ di̍mūl ndu̍ māā ya̍ Mɛ̍lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ Hi̍būlūi̍ya̍ I̍ di̍mi̍ a̍a̍, ‘Ma̍l wa̍nāā nīa̍a̍ mā kūɛ̄ mā kɔ̍ so̍o̍lūū ya̍.

I̍ nɔ̍ kpāāyāa̍, nūm ni̍, wāŋnda̍ I̍chi̍pī ni̍, mī ya̍ i̍i̍ tu̍si̍ nya̍ nāā wɔ̄ɔ̍ŋ bɛ̄ndōo̍ chōo̍, mī ya̍ i̍i̍ ba̍su̍ nya̍ tɛ̍ɛ̍.

ya̍ Mɛ̄lɛ̄ka̍ Ya̍a̍wɛ̄ɛ̄, I̍ cho̍ tōsā mī nāā wɔ̄ɔ̍ŋ bɛ̄ndū pūm ō de᷄l chɔ̄lūāā nyāa̍ chōo̍, mbō dīu̍ nda̍. Su̍a̍ā nūmnda̍ ni̍, sōfɛ̍li̍a̍a̍ ni̍, nyɔ̍mi̍a̍a̍ ni̍, a̍ nāūwa̍, a̍ sāa̍, a̍ chūīŋnda̍, nāā wɔ̄ɔ̍ŋ ko̍ŋ chō hūnɔ̄ɔ̄ nda̍ di̍ū. Ndu̍yɛ̍, ya̍ Mɛ̄lɛ̄ka̍ Ya̍a̍wɛ̄ɛ̄ I̍ cho̍ vɛ̄lɛ̄ yɛ̍ yi̍ɔ̍ɔ̍ chɔ̄m chɔ̄lūāā nyāa̍ tɛ̄ɛ̄ŋ, a̍ chɔ̄lūāā wāŋnda̍ I̍sɔ̄lūɛ̄ī. Wāŋnda̍ I̍sɔ̄lūɛ̄ī, chɔ̄lūāā ndāa̍ ki̍nɛ̍i̍ ō pīlɛ̍ bɛ̍ɛ̍ o̍ cho̍ wu̍ le̍.

Kɛ̍ ndu̍yɛ̍, dɛ̍nɛ̍ pa̍lāā ya̍ I̍ cho̍ nya̍ tūsī chōo̍ o̍ la᷅ŋ ndo̍, ō wā ni̍ŋ o̍ bɔ̍ɔ̍. Sīɔ̄dīi̍ a̍ te̍le̍ŋ wa̍ā nu̍a̍ā, I̍ cho̍ lōōŋ kpu̍ŋgbāŋ bɛ̄ndo᷄ŋ yɔ̄ŋ o̍ lɛ̄ŋndē I̍chi̍pīle̍ŋ ni᷄ŋ kpo̍u̍. Lōo̍ŋ kpūndɛ᷅ŋ bɛ̄ndu᷄ŋ tu̍āl ni̍ŋ o̍ lɛ̄ŋndē I̍chi̍pīle̍ŋ ni᷄ŋ ndo̍ŋ, kāni̍ bɛ̍ɛ̍ mi̍ lɛ̄ŋnde᷅ŋ lē kīla᷄ŋ, lōōŋ wāā le̍nde̍, ŋ̍ tu̍l lɔ̍ le̍. Le̍la̍ŋ, chɔ̄lūāā nūmnda̍ ni̍, a̍ nyɛ̄ o̍ nyɛ̄ ŋ̄ nɔ̄ o̍ bɛ̍ɛ̄, to̍sa̍ mā lūe̍i̍ nda̍ chīɛ̄īla̍ŋ ni᷄ŋ, yɔ̄ŋi̍ nda̍ sɔ̄la̍ pīɔ̍mnda̍ŋ. Kāni̍ fo̍ndōle̍, wa᷅ŋndā chīe̍e̍ya̍ ni̍, vīsīa̍a̍ ni̍, tē ā lūe̍i̍ chi̍ɛ̍īla̍ŋ ni᷄ŋ te̍, mā wa̍ o̍ bɛ̍ɛ̄, lōōŋ kpu̍ŋgbāŋ bɛ̄ndo᷄ŋ chō nda̍ dēlī chōo̍ nda̍ kpo̍u̍ mā vi̍.’ ”

O̍ ko̍ŋ, pūltā lāŋ lā chō sɛ̄ŋi᷄ŋ o̍ hūēīye̍ ni᷄ŋ, mɛ̄ɛ̍ chu̍ndo̍o̍ ō chāŋ nu̍a̍ā mbō sɛ̄ŋi᷄ŋ o̍ hūēīye̍ ni᷄ŋ yɛ̍, mī lā tīu̍ bā o̍ bā fe̍e̍ o̍ lɛ̄ŋndē I̍chi̍pīle̍ŋ ni᷄ŋ kpo̍u̍. Wāŋnda̍ I̍chi̍pī ni̍, chɔ̄lūāā ndāa̍ ni̍, pūltā lāŋ lā chō tōsā mī hīndɔ̄ɔ̄la̍ŋ lā fūla̍ nda̍ lēkɔ̄ɔ̍, mī lā sīmnu᷄ŋ pa̍ūve̍.” O̍ ko̍ŋ, Mūu̍sē ni̍, E̍lɔ̄ŋ ni̍, ma̍ tōsā mɛ̄ɛ̍ Mɛ̄lɛ̄ka̍ ō dīmu̍l nda̍ yɛ̍. Ma̍ kūā ma̍ kūāndū pūlta̍ŋ ma̍ kūā māsā bɛ̍ndōo̍ o̍ hɔ̄l. Mɛ̄ɛ̍ nda̍ kūɛ̄, mi̍ Mūu̍sē si᷅m māsā bɛ̍ndōo̍ o̍ hɔ̄l lo̍ŋ mbo̍ wūū la̍ŋ o̍ hūēīye̍ ni᷄ŋ chōo̍ cho̍o̍. O̍ ko̍ŋ, mi̍ pūltā lāŋ lā tōsā wāŋnda̍ I̍chi̍pī ni̍, chɔ̄lūāā ndāa̍ ni̍, mi̍ hīndɔ̄ɔ̄la̍ŋ lā fūlā nda̍ lēkɔ̄ɔ̍, mi̍ lā sīmnu᷄ŋ pa̍ūve̍.