Popular Bible Verses from Ɛ̍sɔ̍dɔ̍ɔ̄ 23

Share

Tē lā sōōlu̍u̍ ya̍ Mɛ̍lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ pɛ̍, I̍ cho̍ nya̍ sa̍lā dɔ̄wɔ̄ɔ̄, mī ke̍ nya̍ nyɛ̄ dīa̍a̍ ta̍u̍ ta̍u̍ a̍ mɛ̄ŋmā kɛ̄ndīa̍ŋ. Ndu̍yɛ̍, nāā o̍ nāā cho̍ nya̍ tɛ̄ɛ̄ŋ, mī so̍li̍ la̍ŋ nya̍ tɛ̄ɛ̄ŋ. I̍ cho̍ tōsā wānā la̍nɔ̍ o̍ wānā la̍nɔ̍ vi̍i̍kūū ni̍ŋ o̍ lɛ̄ŋndē nyāle̍ŋ ni᷄ŋ te̍, kɛ̄lɛ̄ŋgāā ni᷅ŋ te̍ mī wānā la̍nɔ̍ wa̍ nya̍ tɛ̄ɛ̄ŋ o̍ vi̍lū le̍. I̍ cho̍ nya̍ yōōmū vīlɛ̄īyo̍ kē.

“Wāŋnda̍ I̍sɔ̄lūɛ̄ī, I̍ cho̍ ki̍i̍la̍nɔ̍ nūu̍ vīōmɔ̄ɔ̄ mbō si᷄m nya̍ lāchī, mbō kūɛ̄ a̍ nya̍ o̍ lɛ̄ŋndē ya̍ I̍ bɛ̍ɛ̍ndīa̍a̍ le̍ nya̍ le̍ŋ ni᷄ŋ. Ndu̍ lo᷅ ni̍ŋ nya̍ māndāa̍ ni̍ ha̍a̍a̍ mī lā fūūlu̍u̍ o̍ lɛ̄ŋndē lēŋ ni᷄ŋ.

Tē lā tūēī ndu̍ dīōm pɛ̍, ndu̍yɛ̍ nyɛ̄ o̍ nyɛ̄ ya̍ I̍ di̍mu̍l nya̍ le̍ tōsāa̍, mī lā tōsa̍ ndu̍ pɛ̍, I̍ cho̍ sūŋgɔ̄ɔ̄ le̍ nya̍, mī sɔ̍ŋga̍ a̍ ya̍a̍mɔ̍ɔ̍wa̍a̍ nyāa̍ kpo̍u̍.

Ā yɔ᷄ŋ bɛ̍ɛ̍ mī wāŋnda̍ wa̍ fāŋgā bɛ̍ndōo̍, tē ā wa̍ o̍ ka̍fāla̍ŋ chōo̍ pɛ̍, lā tu̍āl nda̍ kɔ̄ɔ̄lī le̍ mɛ̄ɛ̍ nda̍ chō fāŋgā bɛ̍ndōo̍ yɛ̍ le̍. Ā yɔ᷄ŋ bɛ̍ɛ̍ o̍ tōŋgōla̍ ko̍tīi̍la̍ŋ ni᷄ŋ ni̍, lā si᷅m wāŋndo̍ ō pīlɔ̄ɔ̍ kɔ̄ɔ̄lī le̍ mɛ̄ɛ̍ fāŋgāa̍ chō ndu̍ kɔ̄ɔ̄lī yɛ̍, mī lā tɛ̄nda̍l wāŋndo̍ ō pīlɔ̄ɔ̍ se̍īlē lāka̍fāle̍ŋ te̍. Ndu̍yɛ̍, lā hi̍a̍ū wānā ta̍mbɛ̍i̍yo̍ kɔ̄ɔ̄lī o̍ tōŋgo̍ ko̍tīi̍yo̍ ni᷄ŋ le̍ mɛ̄ɛ̍ ō cho̍ wānā tāmbɛ̍i̍yo̍ yɛ̍ le̍.

Mi̍ Mɛ̄lɛ̄ka̍ dīmī āā, “Lā ba̍lū a̍ sūɛ̍i̍ lāchōōwɛ̄i̍ le̍. Lā hi̍a̍ū wānā wɔ̍ɔ̍ŋndo̍ kɔ̄ɔ̄lī, mī lā tɛ̄nda̍ se̍īlē lāka̍fāle̍ŋ le̍ ndu̍ mālāa̍ le̍.