Popular Bible Verses from Ɛ̍sɔ̍dɔ̍ɔ̄ 22

Share

Wāŋ lāāndūāā pīāāndūāā ndāa̍ ā vī wa̍ ni̍, a̍ wānāā fi̍nyāā ndāa̍ a̍ kālāa̍ ndāa̍ ā vī wa̍, lā bi̍ī nda̍ bīyɔ̄ɔ̄ wɔ̄ɔ̍ŋ te̍. Tē lā bīī nda̍ bīyɔ̄ɔ̄ wɔ̄ɔ̍ŋndo̍ pɛ̍, mā lō o̍ ko̍ŋ mā ŋɔ̄ɔ̄chīa̍ŋ nāa̍ ya̍ Mɛ̄lɛ̄ka̍ chūa̍ a̍ nya̍ o̍kɔ̄ɔ̄, mā nyūna̍ ya̍ le̍ mālāa̍ pɛ̍, tūēīyɔ̄ɔ̍ ya̍ Mɛ̄lɛ̄ka̍ Ya̍a̍wɛ̄ɛ̄ I̍ tu̍ɛ̍ī nda̍ dīōm ni̍, mī ma̍la̍ nda̍.

“Lā bi̍ī wānāā lēkāa̍wa̍ bīyɔ̄ɔ̄ wɔ̄ɔ̍ŋ, kɛ̄lɛ̄ŋgāā mī lā tūsi̍ nda̍ nyɛ̄ pālāā chōo̍ le̍, kāni̍ fo̍ndōle̍, nya̍ bɛ̍ɛ̍ le̍nde̍ ko̍ni̍ nya̍ wa̍ sīndɛ̄ wānāā lēkāa̍wa̍ o̍ lɛ̄ŋndē I̍chi̍pīle̍ŋ ni᷄ŋ ni̍.

“Wānā o̍ wānā la̍nɔ̍ vi᷅m wa᷅ŋnda̍ yāwāla̍ŋ, ō nɔ̄ mbō sɔ̄la̍ pīɔ̍mndo̍.

“Tē wānāā nīa̍a̍ cho̍ ā tāmbɛ̍i̍ya̍ ō kɛ᷅ kɛ᷅ bīī nya̍ kūo̍o̍ o̍ bā pɛ̍, lā to̍sā mɛ̄ɛ̍ wānāa̍ wu̍ū wāŋnda̍ kūēēla̍ŋ le̍ ba̍na̍sīi̍yo̍ wa̍ a̍ tōsā yɛ̍ le̍. Lā bi̍ī wānā ko̍ŋ ba̍na̍sīi̍ o̍ ba̍na̍sīi̍ o̍ bā le̍.