Popular Bible Verses from Ɛ̍sɔ̍dɔ̍ɔ̄ 15

Share

Mi̍ Mɛ̄lɛ̄ka̍ dīmī āā, “Tē lā ya᷄ŋ nīla̍ŋ o̍ nyɛ̄ ya̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ ō dīmu̍l nya̍ wo̍ pɛ̍, ndu̍yɛ̍, mī lā tōsa̍ nyɛ᷄ bɛ̍ndā ya̍ o̍ hɔ̄l le̍ tōsāa̍ wo̍, o̍ ko̍ŋ kɔ̍ɔ̍lī, mī lā to̍sa̍ nyɛ̄ sāwāla̍ nīla̍ŋ lā dīmi̍ wo̍ pɛ̍, nāālā ya̍ I̍ tu̍si̍ wāŋnda̍ I̍chi̍pī chōo̍ la̍ŋ ki̍nɛ̍i̍, ō pi᷅lɛ̍ bɛ̍ɛ̍ I̍ do̍ū nya̍ ndu̍ chōo̍ le̍. Kāni̍ fo̍ndōle̍, ya̍ cho̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ ni̍, Mɛ̄lɛ̄ka̍ si̍ŋgi̍ nya̍ wo̍.”

Mɛ̄lɛ̄ka̍ Ya̍a̍wɛ̄ɛ̄ ndu̍ cho̍ yōōmūmā nīa̍a̍ŋ ni̍, ndu̍yɛ̍, a̍ ndu̍ o̍kɔ̄ɔ̄ ya̍ I̍ cho̍ chōnde̍i̍ he̍ī sōlīo̍o̍ ni̍. Ndu̍ ba̍ŋa̍ ya̍ ni̍. Ndu̍ cho̍ Mɛ̄lɛ̄ka̍ nūu̍ ni̍, ndu̍yɛ̍ ndu̍ ya̍ I̍ li̍sā ni̍. Ndu̍ cho̍ Mɛ̄lɛ̄ka̍ fi̍nyāā nīa̍a̍ ma̍māa̍ nda̍ a̍a̍ pi̍ɛ̍īyo̍ ni̍, I̍ cho̍ ndu̍ sāŋgālā.

“O̍o̍ Mɛ̄lɛ̄ka̍ Ya̍a̍wɛ̄ɛ̄, wānā o̍ wānā cho̍ māā nūm te̍. Mɛ̄lɛ̄ka̍ o̍ mɛ̄lɛ̄ka̍ cho̍, mbō nɔ̄ kpāāyāa̍, mbō wa᷄ wāna̍ kāsī, ndu̍yɛ̍, mbō nɔ̄la̍ mbō tōsa̍ sɔ̄ɔ̍ŋ kɔ̄ndɔ̄fi̍li̍ŋ bɛ̄ndūŋ wāā nu̍a̍ā māā nūm te̍ Mɛ̄lɛ̄ka̍.

Wānāā ŋ̄ bāŋa̍ wa̍, ma̍ kūā a̍ nda̍ a̍ kāālā nu᷄m ŋ̄ nɔ̄ le̍ te̍le̍ŋ o̍ te̍le̍ŋ ndo̍, mā ma̍nda̍ nda̍ a̍ kpāāyā nu̍mndo̍ ha̍a̍a̍, mā fu̍u̍lu̍u̍ a̍ nda̍ o̍ fo̍ndāŋ nu̍m kāsīo̍o̍.

O̍ ko̍ŋ, ma̍ fūūlūū Ma̍a̍lūāā. Mɛ̄ŋnda̍ŋ mā wa̍ o̍ fo̍ndāŋ kōŋ, kɛ̍, mā wa̍ mā lōlɛ̍i̍. Le̍la̍ŋ ā nɔ̄la̍ mā ko᷄l ma̍ŋ te̍. Le̍ mɛ̄ŋmā lōlɛ̍i̍ma̍ wa̍ o̍ fo̍ndāa̍ ho̍ō wa̍ŋ nda̍ ke̍ fo̍ndā kōŋ dīōla̍ŋ ni̍ āā, Ma̍a̍lūāā. O̍ ko̍ŋ kɔ̍ɔ̍lī, mi̍ wāŋnda̍ ŋɔ̄ɔ̄chīa̍ŋ nāa̍ Mūu̍sē chūa̍ ma̍ dīmī āā, “Mūu̍sē, vɛ̄ɛ̍nɛ̍ kpe̍e̍kpe̍i̍ na̍a̍ ŋ̄ chō yɛ̄ lōōkū mɛ̄ŋnda̍ŋ sɔ̄lā mī ŋ̄ ko᷄l?” O̍ ko̍ŋ, mi̍ Mūu̍sē nyu̍nā Mɛ̄lɛ̄ka̍ Ya̍a̍wɛ̄ɛ̄ dīōm le̍ mālāa̍. Ndu̍yɛ̍ mi̍ Mɛ̄lɛ̄ka̍ Ya̍a̍wɛ̄ɛ̄ chɔ᷅m ndu̍ yɔ̄m pɔ̄mbɔ̄ pūm. Mi̍ Mūu̍sē chūa̍ yɔ̄m ko̍ŋ mbo̍ wōū o̍ mɛ̄ŋmā māŋ ni᷄ŋ, mī mɛ̄ŋnda̍ŋ mā sīmnu᷄ŋ ma̍ kɛ̍ndɛ̄ le̍ kōlɔ̄ɔ̍. Ndu̍yɛ̍, o̍ fo̍ndāŋ kōŋ ko̍ni̍ Mɛ̄lɛ̄ka̍ Ya̍a̍wɛ̄ɛ̄ o̍ ke̍ wānāā ndūa̍a̍ sāwāla̍ ndɔ̄la̍ŋ, a̍ pɛ̄ɛ̄kūlā ndɔ̄la̍ŋ ni̍. Lo̍ŋ ko̍ni̍ o̍ tɔ̍ɔ̍nda̍ŋ nda̍ vɛ̄lɛ̄ ni̍.