Popular Bible Verses from Ɛ̍sɔ̍dɔ̍ɔ̄ 14

Share

Nyɛ̄ nya̍ nɔ̄ mī lā tōsa̍ tu̍ŋ ndo̍ cho̍ ni̍, lā si᷄m yi̍, Mɛ̄lɛ̄ka̍ Ya̍a̍wɛ̄ɛ̄ pi̍la̍ cho̍ sɔ̍ŋgā le̍ nya̍.”

O̍ ko̍ŋ kɔ̍ɔ̍lī, mi̍ Mūu̍sē mu̍lī nda̍ dīōm, mbo̍ dīmī āā, “Lā si᷄m yi̍, sīōōŋīī bi̍ī nya̍ le̍. Pāa̍le̍ hāūle̍ŋ nde᷅ŋ, lā chā ni̍ŋ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ cho̍ nya̍ bāŋā yɛ̍. Wāŋnda̍ I̍chi̍pī, ā nya̍ cho̍ ha̍ā chɔ̄ɔ̍ hāū wa̍, fɛ̍ɛ̍ŋ a̍ fɛ̍ɛ̍ŋ bɛ̍ɛ̍, lā chi᷅ lɛ̍ ni̍ŋ nda̍ le̍.

He̍e̍lu̍ ti̍nda̍ nu̍mndo̍, mā yūlū ndu̍ o̍ pēē mɛ̄ŋmā īhɛ᷄llo̍ chōo̍. Tē ā yūlū pɛ̍, mɛ̄ŋnda̍ŋ mā chō kīōlu̍ tɛ̍ɛ̄ŋ, mī mā pīɔ̄ūvi̍āŋ. Mī wāŋnda̍ I̍sɔ̄lūɛ̄ī a̍ ke̍e̍ku̍ o̍ lɛ̄ŋndē vēsɛ̍i̍le̍ŋ chōo̍ mā ta᷄ŋ.

Ndu̍yɛ̍ mɛ̄ɛ̍ wāŋnda̍ I̍sɔ̄lūɛ̄ī a̍ chē nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ to̍sa̍ a̍ wāŋnda̍ I̍chi̍pī a̍ kpāāya̍ ndɔ̄ bɛ̍ndōo̍ wo̍, mi̍ sīōōŋīi̍ Mɛ̄lɛ̄ka̍ Ya̍a̍wɛ̄ɛ̄ ve̍ ī bīī nda̍. Ma̍ dūāū tīīnda᷄ŋ ndāa̍ o̍ ndu̍ ni̍ŋ, a̍ o̍ bu̍ɛ̍ī ndɔ̄ɔ̍ Mūu̍sē.