Popular Bible Verses from Ɛ̍sɔ̍dɔ̍ɔ̄ 16

Share

Ma̍ dīmī āā, “Ndu̍ o̍o̍ wa᷅ le̍ tu̍u̍ mī Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ chūa̍ yōōmūlā nāāla̍ŋ I̍chi̍pī, mbo̍ hīāū a̍ hūnɔ̄ɔ̍ ho̍ō a̍ nāa̍ o̍ po̍llo̍ ho̍ō ni᷄ŋ mī ŋ̄ hu᷄ŋ chu̍ū a̍ yīa̍a̍ŋ. Kāni̍ fo̍ndōle̍, I̍chi̍pī ndu̍, mī na̍a̍ ŋ̄ de᷅ nyɛ̄ dīa̍a̍, a̍ nyɛ̄ māhīlōo̍ nyɛ̄ kɛ̄ndɛ̍ī mī ŋ̄ pīm cha̍.” O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “I̍ cho̍ wāŋnda̍ I̍sɔ̄lūɛ̄ī nyɛ̄ dīa̍a̍ kē, fūlāa̍ o̍ ha̍la̍a̍ ni᷄ŋ mbō tūāl mɛ̄ɛ̍ pīɔ̍ɔ̍ ō sīā nu̍a̍ā yɛ̍. Lēpāla̍ o̍ lēpāla̍, mɛ̄ɛ̍ wāŋndo̍ dīā mbō pīm yɛ̍, le̍nde̍ o̍ chɔ̍ɔ̍vīāā ndu̍ ni̍. Mɛ̍ɛ̍ nu̍a̍ā ya̍ I̍ cho̍ nda̍ tōfā ni̍ le̍ sīnāa̍ tē ā tūɛ̄ī ya̍ ni᷄ŋ di̍ōm pɛ̍. Ndu̍yɛ̍ vɛ̍lɛ̄ le̍ sīnāa̍ māā nyɛ̄ o̍ nyɛ̄ ya̍ I̍ di̍mu̍l nda̍ le̍ tōsāa̍, tē ā tōsa̍ ni᷄ŋ ndu̍ pɛ̍.

O̍ po̍li̍ ko̍ŋ ni᷄ŋ wāŋnda̍ I̍sɔ̄lūɛ̄ī a̍ ŋɔ̍ɔ̍chi̍a̍ŋ nāa̍ Mūu̍sē nda̍ E̍lɔ̄ŋ chūā ni̍.

Mi̍ Mūu̍sē hi̍a̍ū lāchī a̍ sūɛ̍i̍ āā, “Lēpāla̍ o̍ lēpāla̍ Mɛ̄lɛ̄ka̍ Ya̍a̍wɛ̄ɛ̄ cho̍ wā nya̍ nyɛ̄ dīa̍a̍ kīo̍o̍ mɛ̄ɛ̍ kpɛ̍ nya̍ yēēmā yɛ̍. Ō chō nya̍ wā vīsīo̍ŋ kīo̍o̍ īchɔ̄l, mbō kē nya̍ bēe̍dīi̍yo̍ īdīi̍ le̍ dīo̍o̍. Kāni̍ fo̍ndōle̍, ō tūēī ŋɔ̄ɔ̄chīa̍ŋnda̍ nya̍ wa̍ la̍ŋ. Ŋɔ̄ɔ̄chīa̍ŋ o̍ ŋɔ̄ɔ̄chīa̍ŋ nya̍ wa̍ ō cho̍ a̍ na̍a̍ le̍ nya̍ wa̍ ŋɔ̄ɔ̄chīa̍ŋndo̍ le̍, a̍ Mɛ̄lɛ̄ka̍ kpe̍e̍kpe̍i̍ nya̍ wa̍ ŋɔ̄ɔ̄chīa̍ŋndo̍ ni̍, kāni̍ fo̍ndōle̍, na̍a̍ na̍a̍ ŋ̄ cho̍ nyɛ̄ o̍ nyɛ̄ le̍.”

“Ŋ̄ɔ̄ɔ̄chīa̍ŋ o̍ ŋɔ̄ɔ̄chīa̍ŋ wāŋnda̍ I̍sɔ̄lūɛ̄ī a̍ cho̍, I̍ tu̍e̍ī. Le̍la̍ŋ, di̍mu̍l nda̍ māā lēpāla̍ o̍ lēpāla̍, I̍ cho̍ nda̍ wā nyɛ̄ dīa̍a̍ kīo̍o̍ mɛ̄ɛ̍ kpɛ̍ nda̍ yēēmā yɛ̍. Īchɔ̄l o̍ īchɔ̄l, I̍ cho̍ nda̍ wā nyɛ̄ māhīlōo̍ kīo̍o̍, mī wa̍ nda̍ bēe̍dīi̍yo̍ kīo̍o̍ īdīi̍. O̍ ko̍ŋ, mā sīna̍ māā ya̍ Mɛ̄lɛ̄ka̍ Ya̍a̍wɛ̄ɛ̄, māā ya̍ cho̍ Mɛ̄lɛ̄ka̍ ndāa̍ ni̍.”