Popular Bible Verses from Romàtɔwo 3

Đo àmè sia àmè wɔ̀ èvuɛ̃, àleke be wo bu Mawu be gogoa. Vɔ̀ Mawu ku ŋuzĩzĩ na wo fàa, bù wo be wo lè jɔ̀jɔɛ, to màje ji, ekè Kristò Yesù tu èfɛ̃ ɖo woa taa ŋuti.

Mawu bùnà àmè sia àmè kè xɔ̀ Kristò Yesù ji sè a be, e lè jɔ̀jɔɛ. Mu do vòvòtoto ɖekpe woa dòmè ò.

Mawu ŋutɔ ye jè ŋùkɔ̀, sɔ Kristò ɖotè be, to yebe èhũ kè kɔ̀ ɖɛ ku yebe èku jia, woa sɔ miabe èvuɛ̃wo kè mi, ne mi xɔ̀ e ji sè kpòa. Ekèa ɖè è fiɔ be Mawu wɔ̀nà ènu jɔ̀jɔɛ, ɖo e ɖè èjì blɛ̀wù, ŋɛ̃ ŋùkuvi pu èvuɛ̃ kèwo mi wɔ̀ sãawo ji. E wɔ̀ ekèa be, yèa ɖè e fiɔ, lè egbè be ŋùkèkè kèawo mè be yè ŋutɔa, yè lè jɔ̀jɔɛ, eye yè bùnà àmè kè xɔ̀ Yesù ji sè a cã be e lè jɔ̀jɔɛ.

Wo ma bù àmè ɖekpe be e lè jɔ̀jɔɛ lè Mawu be ŋùku mè, ekè be wɔ̀ ɖo èsea ji ŋuti ò, ɖo èsea nana kpò be àgbètɔ ne nya be yè wɔ̀ èvuɛ̃.

Mawunya ɖo èkpe e ji be: “Àmè ɖekpe mu lè, kè lè jɔ̀jɔɛ ò, ɖèka tètè cã mu lè ò. Àmè ɖekpe mu lè, kè nya ènu ò, eye ɖekpe cã mu lè, kè jina Mawu be èmɔ ò. Àmè sia àmè ye trã èmɔ, àmè sia àmè bu, eye àmè ɖekpekpe mu lè, kè wɔ̀nà ènu nyuɛ̃ ò. Đèka tètè cã mu lè ò.

Đo mi susu be, wo bùnà àmè be e lè jɔ̀jɔɛ to xɔ̀sè ji, tovò lè *èse ji wɔ̀wɔ ɖo ŋuti.

Aò! Ekèa mu teŋu la jɔ̀ gbèɖe ò. Ne àmè sia àmè zũ àjèɖàtɔ cã a, Mawu yaa, nyàwototɔ kpò be la nyi godo! Đo wo ŋlɔ̀ ɛ̀ ɖɛ be: “Ne wò pò nupoa, tɔ̀ wò ne jɔ̀. Ne wo ɖo kòjo na wòa, wò la ɖùji godo.”