Popular Bible Verses from Màteo 24

Đo ekè ènuvuɛ̃wɔ̀wɔ la dri àgboa, àmè sùgbɔ be lɔ̃lɔ̃ la fa. Vɔ̀a, àmè kè la do èjì kaka yì vɔ̀vɔnua, la gã.

Wo la do àŋɛ̀nyuɛ̃ kè pò nupo so Mawu be fìɔɖùɖua ŋutia lè xixea keŋu mè, ne bèa nyi ɖase na àgbàlèwo keŋu. Ekèa yomèa vɔ̀vɔnua la va.”

Eye mì la sè àhùa be nyikɔ ku àhùa be zigìdi. Kpɔɖa, mì mu gbà sò àdìka ò, ɖo ènu kèawo keŋu ɖo la jɔ̀, vɔ̀a vɔ̀vɔnua mu ɖo hàɖe ò.

Đo dùkɔ̃ ɖe la sitè ɖo dùkɔ̃ bu ŋuti. Fìɔdu ɖe la sitè ɖo fìɔdu bu ŋuti. Àdɔ̀ la to, eye ànyigbã la hũhũ lè àfi vòvòvòwo. Ekèawo keŋu ye la nyi èkulelea be gɔ̃mèjèje.

Jiŋùkusi ku ànyigbã la klo va yì; vɔ̀a, ènyà nyèwo mu la va yì ò.”

Đo, àmè sùgbɔ la sɔ nyikɔ nyè ɖo ènu la va. Wo la nɔ gblɔ̃ be: 'Ènyè ye nyi *Mɛ̀siaa.' Wo la flù àmè sùgbɔ.

Wàlɛbɛ ŋua, wo la do mì àsi, ne woa do àyà na mì, la wù mì. Àgbàlèwo keŋu la crì mì ɖo ŋuti nyè. Àmè kèwo xɔ̀ ji nyè sèawo dòmètɔ sùgbɔ la trɔ lè yo nyè mè. Wo la xɔ̀ kpli na woa nɔ̀nɔwo eye wo la crì woa nɔ̀nɔwo. Àjè gblɔ̃ɖɛtɔwo fuu la sitè eye wo la flù àmè sùgbɔ.

Vɔ̀a, Yesù ɖoeŋuti na wo be: “Mì kpɔ nyuɛ̃ ɖe ne àmè ɖe mu gbà flù mì ò.

Ye ŋutia, mìa cã mì nɔ̀ ŋùzɔ̃, ɖo gà kè mè mì mu la ɖo ŋùkuvi òa, ye Àgbètɔ be Èvia la va.”

Ye ŋutia, mì nɔ̀ ŋùzɔ̃; ɖo, mì mu nya àzã kè gbè mìabe àpetɔa la va ò.

“Vɔ̀a, àzã ŋua ku gàpòpo ŋua, àmè ɖekpe mu nya ɛ̀ ò. *Àtikplɔtɔ kèwo lè jiŋùkusia cã mu nya ɛ̀ ò. Èvia ŋutɔ cã mu nya ɛ̀ ò. Àta ɖèka kpò ye nya ɛ̀.

Đo, àjè-kristòwo ku àjè-gblɔ̃ɖɛtɔwo la sitè, eye wo la nɔ̀ wɔ̀ jèsì gãgãwo ku ŋùdãnuwo, àleke be woa flù àmè cãcãwo ŋutɔ cã, ne wo teŋuã.

Eye, sìgbè àlekè Nɔa be àzãa nyia, nènea ke ye Àgbètɔ be Èvia be vavaa la nyia yeŋu. Đo lè àzã kèwo jè ŋùkɔ̀ na gà kè mè Mawu sɔ èsì crɔ̃ xixea, àgbètɔwo le ɖù, le nù; wo le ɖè èsrɔ̃, wo le na àsu woabe èvi-nyɔ̃nùwo kaka va na gà kè mè Nɔa ɖo àɖakàhũ gãa mè, eye, kaka na gà kè mè èsì crɔ̃ woa kpataa, wo mu nya be ènu ɖe lè jɔ̀ ò. Gà kè mè Àgbètɔ be Èvia la trɔvaa, nènea ke ye be la nyia yeŋu.