Popular Bible Verses from Màteo 23

Vɔ̀a, àmè kè nyi ètatɔ lè mìa dòmèa, ɖo la nyi mìabe sumɔ̃vi.

Àmè ɖekpekpe kè la kɔ ye ɖokoe yì jia, wo la bɔ̀bɔ̀ ɛ̀ ɖo ànyi, eye àmè ɖekpekpe kè la bɔ̀bɔ̀ ye ɖokoea, wo la kɔ ɛ̀ yì ji.”

“Hèlu na mì èsefiɔtɔwo ku Farizìwo, mì àyèmènuwɔ̀tɔwo! Đo mì nana mìabe àgblèmènukuwo, sìgbè ènu hɔ̃hɔ̃ɛwo nène be àkpa èwogɔ̃a Mawu. Vɔ̀a, mì ɖènà èkɔ̀ lè ènu kèwo nyi vevetɔ lè èsea mèa ŋuti: jɔ̀jɔɛwɔ̀wɔ, ŋuzĩzĩkuku, ku ànùkuawɔ̀wɔ. Ènu kèawo ye e jè be mìa wɔ̀ cucugbãa, vɔ̀a, mì mu ɖo la dokpò kpɔ̀tɛawo cã wɔ̀wɔ ò.

“Hèlu na mì èsefiɔtɔwo ku Farizìwo, mì àyèmènuwɔ̀tɔwo! Đo mì klɔna kɔpò ku àgbã be ŋuti, vɔ̀a, woa mè ɖɔ ku ènu kèwo mì fĩ ku ènu kèwo mì tro àbɔ na àmèwo, xɔ̀ lè woa sia.

“Yèruzàlɛmtɔwo, O, Yèruzàlɛmtɔwo! Mì, àmè kèwo wùnà Mawu be gblɔ̃ɖɛtɔwo, dànà èkpe sɔ wùnà àmè kèwo Mawu dɔ̃ ɖoɖa mìa! Zè nenè ye mù jro, la bɔ̀ mì ɖo gbɔ nyè, sìgbè àlekè kòklonɔ bɔ̀nà èviawo ɖo yebe àwàwo gɔ̃mèa nène, vɔ̀ mì mu jro ò?

Nènea ye mìa ŋutɔwo cã mì lè. Đo mì zena sìgbè àmè jɔ̀jɔɛwo nène lè àgbètɔwo be ŋùkumè, vɔ̀a, mìabe èjì mè ɖɔ ku àyèmènuwɔ̀wɔ kudo ènuvuɛ̃.”