Popular Bible Verses from Yosùa 6

Share

Tɔhonɔ̀ gblɔ̃ na Yosùa be: “Kpɔɖa mù ɖè Yerikò ku yebe èfìɔa do àsi na wò kudo yebe ŋusùtiwo.

Wàlɛbɛ kè ye èlã zòawo be ègbè la ɖì hòoa, ne mì sè èzèawo be ègbè ɖì hòoa, dùkɔ̃a kpata la do àpa gãaɖe funu funua ke ye èkpa kè wo tɔ̃ trɔ do Yerikò be èdùa la mù eye àmè sia àmè la zɔ̃ ɖo ènu kè lè ŋùkɔ̀ na ɛ̀a ji.”

Eye mìa ya, mìa ŋusùti wɔ̀ahùawo kpata, mì la zɔ̃ trɔ do èdùa, la trɔ do è zè ɖèka kpò; nènea ye wò la wɔ̀ kaka na ŋùkèkè àdɛ̃.

Hũbonɔ adrɛ̃ la sɔ èzè adrɛ̃ kèwo wo sɔ àgbò be àzò sɔ wɔ̀a, la nɔ̀ ŋùkɔ̀ na zòɖùɖu ɖakà a ŋùkèkè adrɛ̃gɔ̃ a gbèa, mì la zɔ̃ trɔ do èdùa zè adrɛ̃ eye hũbonɔawo la ku woabe èzèawo.

Wo tu Yerikò, gbà tu èdùa be àgbowo kpikpikpi ɖo Izràɛlviwo ŋuti: àmè ɖekpe mu teŋu to kaka ne àmè ɖe ne ɖo èdùa mè ò.

Zè adrɛ̃gɔ̃ a, hũbonɔawo ku woabe èzèawo eye Yosùa gblɔ̃ na dùkɔ̃a be: “Mì do àpa lelele, ɖo Tɔhonɔ̀ ɖe èdùa do àsi na mì.

Wo la crɔ̃ èdù kèa ku ènu kèwo lè e mèa, ɖo wo ɖè è ɖovò na Tɔhonɔ̀. Àhasìtɔ Ràhab ɖèka kpò ye la ci àgbè, ye ku yebe àxuedo a, ɖo e ye wla àmè kèwo mi dɔ̃ ɖoɖa Yerikòa.