Popular Bible Verses from Kòjoɖotɔwo 6

Share

Tɔhonɔ̀ be àtikplɔtɔa to ɖo Gideɔ̀n ji, gblɔ̃ na ɛ̀ be: “Tɔhonɔ̀ lè kudo wò, èwò kãlìnuwɔ̀tɔ!”

Eye Tɔhonɔ̀ trɔ kpã ŋùkɔ̀ ɛ̀ gblɔ̃ na ɛ̀ be: “Yì hlùɛ̃ Izràɛlviwo gã lè Medìantɔwo si mè kudo ŋusɛ̃ kè lè àsi wò kèa. Ènyè ye le dɔ̃ wò ɖo ɖa.”

Tɔhonɔ̀ ɖo e ŋuti na ɛ̀ be: “Mù la nɔ̀ kudo wò. Ekèa ŋuti ye wò la pò Medìantɔwo wù ɖodu.”

Gideɔ̀n ɖo e ŋuti be “Tɔhonɔ̀, àpetɔ nyè! Ne Tɔhonɔ̀ lè kudo mia, nukɛ ŋuti èfũ gbogbo kèawo le kpe mi ɖo ò? Fikɛ ènu jɔ̀ àsu kèwo mia tɔwo gblɔ̃ na mia ɖe, ne wo le gblɔ̃ na mi be e ye ɖè mi to lè Ejiptè-nyigbã jia ò? Nyàwo be nyi be Tɔhonɔ̀ ɖè àsi lè mia ŋuti fifì na Medìantɔwo.

Vɔ̀ Gideɔ̀n ɖo e ŋuti be: “Tɔ̀ wò jɔ̀, àpetɔ nyè! Àleke mù la wɔ̀ la hlùɛ̃ Izràɛl be dùkɔ̃a ò? Lè Manasè be kɔ̀taa mèa, hɛ̃nu nyèa mu sùgbɔ ò. Eye mù nyi ɖèvi vifɛ̃ lè xòmè nyèa mè.”

Tɔhonɔ̀ be àtìkplɔtɔ ɖe va Ɔfrà be kɔpea mè. E va nɔ̀ ànyi ɖo àti gã kè lè Yòas be ànyigbã jia gɔ̃mè. Yòas so Abiezɛr be hɛ̃nu mè. Yòas be vi ŋusù Gideɔ̀n le pò èlù lè vɛ̃kufiɔ̃pe, ne Madìan-tɔwo mu gbà kpɔ ɛ̀ ò.

Eye Gideɔ̀n tù vɔsakpe ɖo funu na Tɔhonɔ̀ eye e yɔ ɛ̀ be “Tɔhonɔ̀ nana ŋuti fàfa”. Vɔsakpe kèa gbà kpɔ̀tɔ̀ lè Ɔfrà be kɔpe, Abiezɛr be hɛ̃nu tɔ̀a mè kaka na egbè.

Gideɔ̀n yì e ji gblɔ̃ be: “Ne wò ku ŋuzĩzĩ na mù a, eŋuã ɖè jèsìdo ɖe fiɔ ne ma nyã be èwò, Tɔhonɔ̀ ye le pò nupo na mù nyàwo.

Vɔ̀ Tɔhonɔ̀ gblɔ̃ na ɛ̀ be: “Nɔ̀ ŋuti fàfa mè, mù gbà vɔ̃ ò, ɖo wò mu la ku ò.”

Izràɛlviwo gbà le wɔ̀ ènu kè mu jɔ̀nàjì na Tɔhonɔ̀ òa eye Tɔhonɔ̀ ɖè wo do àsi na Madìan-tɔwo xɔ̀ èpè adrɛ̃ sɔ̃ŋu.