Popular Bible Verses from Èsea gbìgbɔ̀ hlɛ̃ 8

Share

Vɔ̀a, mì ɖoŋù be Tɔhonɔ̀, mìabe Mawu ye na mì ŋusɛ̃ kè mì sɔ kpɔ ècia, ne bèa sɔ ɖo èkpe èzò kè be ɖù ku mìa tɔgbewoa ji, sìgbè lekè be le wɔ̀ ɛ̀ egbèa nène.

E bɔ̀bɔ̀ mì ɖo ànyi, na àdɔ̀ wù mì, eye be na mì manà, mì ɖù, manà kè mìa ŋutɔwo ku mìa tɔgbewo, mì mu jèsi ò a. E wɔ̀ ènu kèa, ne bèa sɔ fiɔ mì be, mu nyi ènu ɖùɖu kpò ye nana àgbètɔ nɔ̀nà àgbè ò, vɔ̀a, ènyà ɖe sia ɖe kè le to so Tɔhonɔ̀ be ènu mèa ye.

Mì ɖoŋù èmɔ kè kpata, Tɔhonɔ̀, mìabe Mawu a na, mì zɔ̃, lè zògbè a ji, èpè èkà sɔ̃ŋu ye nyi ekèa, ne bèa sɔ bɔ̀bɔ̀ mì ɖo ànyi. E sɔ do mì kpɔ, ne bèa kpɔ ènu kè lè mìabe èjì mèa, ne bèa kpɔ, ne mì la zɔ̃ ɖo yèbe èseawo ji màa.

Mì mu gbà va susu gbèɖe kpɔ be: 'Miawo ŋutɔ, miabe àlɔ̀ ku miabe ŋusɛ̃ ye mi sɔ kpɔ èci lekea' ò.

Mì kpɔ nyuɛ̃ ɖe be mì mu gbà ŋlɔ̀be Tɔhonɔ̀, mìabe Mawu a, ne mìa ŋlɔ̀be yebe ɖoɖowo, èkɔ̀dowo ku yebe èse kèwo mù sɔ le na mì egbèa ò.

Mì sè egɔ̃mè be Tɔhonɔ̀, mìabe Mawu a le kpla mì, sìgbè lekè ètɔ kplana èvia nène.

Mì la ɖùnu, la ɖɔpò, eye mì la kafu Tɔhonɔ̀, mìabe Mawu a, ɖo ànyigbã nyuɛ̃ kè be na mìa ta.

Mì le Tɔhonɔ̀, mìabe Mawu a be èsewo ɖo àsi; mì nɔ si ì, ne mìa nɔ zɔ̃ to èmɔ kèwo be ta na mìawo ji.

E ye na mì manà, mì ɖù, manà kè mìa tɔgbewo mu jèsi ò a, e wɔ̀ ekèa, sɔ ɖo mì èhiã mè, sɔ le na mì kpakpla, ne èsɔ̀ mè ne nyɔ na mì.

Ne mì ɖùnu, ɖɔpò vɔ̀, eye mì tù èxɔ̀ nyuɛ̃wo, ne mìa nɔ̀ woa mèa, ne mìabe ènyìwo ku àlɛ̃wo kudo ègbɔwo le jì ɖo e ji, eye mì ɖo klòsalò ku sìka sùgbɔ, kpe ɖo ènuzãzã sùgbɔ ŋutia, mì kpɔ nyuɛ̃ ɖe be jajra mu gbà ɖɔ mì, ne mìa ŋlɔ̀be Tɔhonɔ̀, mìabe Mawu a ò. E ye ɖè mì to lè Ejiptè-nyigbã ji, àfi kè mì nyi kluviwo lè sãa.

Tɔhonɔ̀, mìabe Mawu le kplɔ̀ mì yì ànyigbã nyuɛ̃ ɖe ji, ànyigbã kè ji ètɔ̀ wɔ̀adãwo ku ètɔ̀ sàsrawo lè, ànyigbã kè mè èsìwo lè to so ègũ ku ètowo mè lè. E nyi ànyigbã kè ji èlù ku èlì mìɔ̃nà lè, ànyigbã kè ji vɛ̃-gblè, èvò-ti ku yòvobòɖà-tiwo bɔ lè, eye be nyi ànyigbã kè ji àmì-ti ku ànyisi lèa. E nyi ànyigbã kè ji mì la ɖùnu, la ɖɔpò lè, eye ènu ɖekpe mu la hiã mì ò; ànyigbã kè be èkpewo mè gàyìbɔ lè, eye gàjɛ̃ lè ètowo mè.

Èse kèwo kpata mù sɔ le na mì egbèa, mì kpɔ nyuɛ̃ ɖe, ne mìa wɔ̀ ɖo woa ji, ne mìa nɔ̀ àgbè, ne mìa jì ɖo e ji, ne mìa xɔ̀ ànyigbã kè be àjɔ̀gbè Tɔhonɔ̀, mìabe Mawu a fìã be yèa sɔ na mìa tɔgbewoa.

Lè èpè èkà kèawo mèa, àwù mu zɛ̃ lè ŋuti wò ò, eye àpo àfɔ̀ mu tɛ̃ ò.

E ye kplɔ̀ mì, zɔ̃ to zògbè gã, ɖo vɔ̃vɔ̃ kèa ji, zògbè kè ɖɔ ku èdã ɖo àɖi sì àmè kudo àkeklewoa. E ye kplɔ̀ mì to zògbè kè nyi èkuɖì-nyigbãa ji. Eye be na èsì to so àkpã sɛ̃ŋu mè na mì.