Popular Bible Verses from Èsea gbìgbɔ̀ hlɛ̃ 1

Share

Tɔhonɔ̀, mìabe Mawu kè le zɔ̃ lè ŋùkɔ̀ na mìa, la wɔ̀ àhùa ɖo mìa ta, sìgbè leke mìa ŋutɔwo, mì kpɔ, be wɔ̀ ɛ̀ na mì, lè Ejiptè, ku zògbè a ji, àfi kè mì kpɔ Tɔhonɔ̀, mìabe Mawu a kɔkɔ dùkɔ̃ kèa, sìgbè lekè èvi-tɔ la kɔkɔ èvia lè èmɔ kè mì zɔ̃, kaka va ɖo tèpe kèa nène.'

Tɔhonɔ̀, mìa tɔwo be Mawu ne na, mìa gbà jì ɖo e ji, zè èkà-wìvɔàtɔ̃ kpe, eye ne tusì na mì, ɖo àjɔ̀gbè kè be fìã na mìa nu!

Wàlɛbɛ kè mi nɔ̀ Horɛb be ètoa jia, Tɔhonɔ̀, miabe Mawu a gblɔ̃ na mi be: “Mì lè èto kèa ji fifìa, e dìdì.

Kpɔɖa, mù sɔ ànyigbãa na mì: Mì yì, ne mìa sɔ ànyigbã kè Tɔhonɔ̀ fìã àjɔ̀gbè be yè la sɔ na mìa tɔgbewo: Abràham, Izàk ku Yakɔb kudo woabe tɔgbeyɔvi kèwo la jè woa yomè a wɔ̀ mìa tɔ̀.”

Mì mu la kpɔ àmè ŋùku mè, la sɔ sò kòjo ò. Vɔ̀a bòhũa, mì nɔ le èto ɖo ɖèvi, àlo àmè kè mu ɖo ŋusɛ̃ ɖekpe ò, ku àmè gãwo keŋu be ènyà ŋuti, eye mì mu gbà vɔ̃ na àmè ɖekpe ò. Ɖoa, kòjoɖoɖoa, Mawu tɔ̀ ye be nyi. Ne ènyà ɖe sɛ̃ŋu na mì, wunua, mì sɔ ɛ̀ va ɖo ŋùmè na mù, ne ma sè è.'