Popular Bible Verses from AROOMA 5

Share

Îndî Ngai noonaniirie bûra atwendeete bûgana rîra aatûmire Kîrîstû aaya gûkua n'ûntû bwetû amwe na kwîgua rîru twarî eeyia.

Gûtirî rîo wîrîgîîro bwetû bûgaatûringa nthî, n'ûntû Ngai atûûyûrîîtie wendo bwake nkorooni cietû gûkûrûkîîra kîrî Kîrundu wake Ûmûtheru ûra atwete.

Na t'ûgu bunka, itûkenaga kinya tûrî mathîînaani n'ûntû itwiyî mathîîna mara twonaga imatûmaga tûkagîa na kûûmîîria. Kûûmîîria igûtûmaga muntû eegua arî wa mûkarîre ûmwega. Na kwîgua muntû arî wa mûkarîre ûmwega igûtûmaga agîa wîrîgîîro.

Kwoogu n'ûntû itwagîrithîîtue i Ngai kuumania na wîtîgio bwetû, tûrî na ûkiri na Ngai gûkûrûkîîra kîrî Mwathani wetû Yiesû Kîrîstû. Gûkûrûkîîra kîrî Kîrîstû itûthaarimîîtwe na ûtugi bûra tûrî na bu bwa Ngai n'ûntû bwa wîtîgio bwetû. Na kwoogu tûbukenagîîra tûrî na wîrîgîîro bwa kûthi mwagooni wa Ngai.

Rîra twarî eeyia tûtaûmba kwîbonokia, i rîo Kîrîstû aakuire kagiita kara Ngai aabangîîte n'ûntû bwetû, tiû eeyia.

Wona Kîrîstû aatûmire twagîrithua i Ngai na gîkuû gîake, twagûtwonokia atagîtwonokia kuuma kîrî mûthûûro wa Ngai!

Na wata bûra kûrega kwathîka kwa muntû ûmwe gwatûmire Ngai athûkia antû baingî barî eeyia, nwa ta bu kwathîka kwa muntû ûmwe gûgaatûma Ngai athûkia antû baingî barî baagîru.

Na t'ûgu bunka, itûkenagîîra kwîgua tûrî ndeni ya Ngai n'ûntû bwa bûra Mwathani wetû Yiesû Kîrîstû aarûthire, aatûma tûtuîka acoore ba Ngai.