Popular Bible Verses from AROOMA 6

Share

Mûcaara wa meeyia i gîkuû. Îndî kîewa kîa Ngai kîra atwete kîa mana i mwoyo wa tene na tene ndeni ya Kîrîstû Yiesû Mwathani wetû.

Îîndî bûtiathagwa i wîyia n'ûntû ibûtiganîîte na watho bwagarûkîra ûtugi.

Kwoogu i taka twathikanîîrue amwe na Kîrîstû kûbaatithuani gwetû na itûgwatanîrîte n'we gîkuûni gîake, kaingo na tiû tûtûûra ûtûûro bûngî bûûyerû ta bûra Kîrîstû aariûkiirue n'inya ya kûgegania ya Îthe.

Bûtikaarûthe mantû maathûûku na gîcuncî kîa mîîrî yenu bûtûmîkîra wîyia na kîo. Îruteeni kûrû kîrî Ngai bûrî antû bara barutîîtwe gîkuûni baareetwa mwoyooni. Înenkeraani Ngai icuncî bienu bionthe bitûmîke kûrûtha mantû maagîru.

Itwiyî mûtugo wetû ûra twarî na uu wambanîîrue na Kîrîstû kaingo wîyia bûthirua mîîrîîni yetû, na kaingo tûtatuîka nkombo cia wîyia kaîrî.

Wana biû îthûkieni bûrî baakuû kîrî wîyia na îthûkieni bûrî mwoyo kîrî Ngai ndeni ya Kîrîstû Yiesû.

Kwoogu nwa tuuge tûthi na mbere na kwîyia kaingo Ngai oongeera ûtugi? Arî buru! Gûtirî ûntû ta bûbu! Anga ti taka tûrî baakuû kîrî meeyia. Kwoogu n'ata tûûmba gûcooka gûtûûra kîrî mo kaîrî?

Ibwiyî ûkeeruta gûtuîka nkombo ya muntû nwa mwanka wathîkîre mûnene ûyu waku. Nwa ûthuure kwathîkîra meeyia kûra kûreetaga gîkuû, kana ûkathuura kwathîkîra Ngai kûra kûreetaga wagîru.

Nkaatho i kîrî Ngai n'ûntû bwa bûra bûthingataga na nkoro cienu cionthe mara bwarutanirwe, bwauma ûkombooni bûra bwarî bwa meeyia. Îîndî ibûthaûrîîtwe bwauma meeyiani bwatuîka nkombo cia wagîru.