Popular Bible Verses from AIBIRANIA 1

Share

Mwana wa Ngai oonanagia mwago wa Îthe na amûtuatîîtie kûrû. N'we atûmaga bionthe bithi na mbere kwîgua birî oogo kwa inya ya kiugo gîake. Nyuma ya kwîruta atûthambia meeyia meetû, eetiirie îgûrû aakara nthî rûteere rwa ûrîo rwa Ngai ûra arî mûnene mûno.

Tene Ngai aatûmîîre iroria magiita maingî na njîra inyingî kwaria na biûyûûyû. Îndî ntugûûni ino cia kwingia mûbango wake, Ngai atûmîrîte Mwana wake kwaria naati. Ngai aûmbire nthîgûrû gûkûrûkîîra kîrî Mwana wake, na amûthuura akaathûkia bionthe birî rûgai rwake.

Kwoogu araîka i ba ûû? Bo n'irundu bira Ngai atûmaga birî aruti ngûgî, biteethia bara akaa rûgai rwa wonokio.

Na kaîrî Maandîko Maatheru maugîîte, “Mwathani, i woû waûmbire nthîgûrû kîambîrîriani, na îgûrû i yûmba rîa njara ciaku. Cio ikeenyangua, îndî woû ûgaatûûra. Ikaathira cionthe ta nguo