Popular Bible Verses from AIBIRANIA 2

Share

Na n'ûntû aranyamaarua na aragerua, nateethagia bara begeragua.

Na n'ûntû aana baba n'antû baûmbîîtwe na nyama na nthakame, Yiesû wana we aakarire ta bo mûûmbîreeni. Na gîtûmi gîa kûrûtha ûgu i kaingo na njîra ya gûkua gwake athiria Nkoma ûra arî inya ya gîkuû.

Gîku i kîo gîtûmaga wîgua nwa mwanka tûrûmîîre mantû mara tweerirwe, kaingo tûtabîtia njîra.

Kwoogu kwarî nwa atuîkire ta aruagina na aaragina na njîra cionthe, kaingo atuîka mûthînjîri ûra mûnene mwîtîgua kîrî Ngai, mûthînjîri arî kîao, aruta kîgongwana gîa kûthiria meeyia ma antû.

Tûmwonaga arî Yiesû ûra “aatuîkithiirue ûmûniini kîrî araîka kwa îgiita rîîkai,” arî na mwago na gîtîîyo kuumania na gîkuû kîra aakuire bantû a muntû wonthe n'ûntû bwa ûtugi bwa Ngai.