Popular Bible Verses from AEBEESO 4

Share

Nwa mwanka bûteethanagie na bwîganague kîao. Rekanagîraani ta bûra Ngai aabûrekeere ndeni ya Kîrîstû.

Rîonthe îgaguani bwînyiîtie na bûrî abooreeri. Bûtikeegue bûrî antû ba mûthûûro. Onanagiani wendo kîrî bara bangî, kinya bara babûbîtagîria.

Bûtikaaragieni mîgambo îtaagîrîte. Bunthe bûra bûkaaragia ibwîgue bûrî ûntû bwega, ûntû bûûmba gûteethia muntû wonthe ûra ûkaabwîgua.

Bûtikeegue bûrî antû ba marûrû. Na bûtikeegue bûrî antû ba mûthûûro, na bûtikaagondokagîre antû. Bûtikaarume antû. Na nwa mwanka bwîgue bûtarî na rûmena rwa mûthemba nwa ûrîkû.

Bûtikaareke mûthûûro ûtûma bwîyia. Bûtikaareke riûa rîthûa bûthûûri. Bûtikaanenkere Nkoma kaanya ga gûtûma bwîyia.

Kwoogu bûtikeegue bûrî ba mûkarîre ûra bwatûûraga mbereeni. Mûkarîre wenu warî wa mîtugo ya mawîrirîîria maathûûku, ma ûrongo, mara maabwînyangagia. Erûuani mathûgaania meenu, bwonanie kûgarûka kwa mûkarîre wenu wa wagîru bwa mma, na ûtheru bwa mma.

Cûûgiani mûno kûmenyeera ngwatanîro îra Kîrundu areetaga, bûgwatithanîîtue n'ûkiri.

Kîrîstû n'we wengwa eeyanire biewa bibi kîrî kanica. Bamwe abaa kîewa gîa gûtuîka atûmwa, bangî abatuîkithia iroria, bangî atûmîîria, bangî arîîthi na bangî aarimû. Eeyanire biewa bibu athuuranîra antû ba Ngai baruta ngûgî yake na aaka kanica ta yo mwîrî wake. Na kwoogu twinthe tûgaakûra tûkare ûntû bûmwe wîtîgioni bwetû na tûmenye Mwana wa Ngai ûntû bûmwe, mwanka tûtuîke eetîgîri agima tûkare ta Kîrîstû bûra akari.

Tûtiîgua tûkari ta twana tûnyi wîtîgioni bwetû. Tûtiigarûkaga mathûgaania îgûrû rîa bûra twîtîgîîtie tweegua ûrutani bwa bara barî ûûme bwa gûkangayia antû, bara beendaga kûbîtithia bara bangî njîra na ûrongo bwao. Ga twîrage antû ûmma na tûbeendage kaingo tûkûra nkûrûki na njîra cionthe tûkare ta Kîrîstû. Kîrîstû n'we kîongo gîa kanica.