Popular Bible Verses from AEBEESO 5

Share

Tuatiani Ngai n'ûntû bûrî aana baake bara eendeete. Karagaani bwendeene ta bûra Kîrîstû aatwendire, aakua n'ûntû bwetû arî kîgongwana, Ngai eetîgîîria akeneete.

Kwoogu îmenyeereeni mûno mûtûûrîreeni wenu. Bûtigaakareeni ta bia. Karagaani ta antû baûgî. Tûmagîraani îgiita rîenu bwega, n'ûntû ntugû ino i ntugû cia ûthûûku.

Bûtigaatogoone i ncoobi n'ûntû ntogoona nîtûmaga muntû arûtha mantû mataagîrîte. Ûyûragwaani i Kîrundu. Aranagîriani na cabuurî, nyîmbo cia Ngai na nyîmbo cia gîîkîrundu. Inaani bûkumie Mwathani nkorooni cienu. Cookagîriani Ngai Baaba nkaatho n'ûntû bwa mantû monthe riîtwaani rîa Mwathani wetû, Yiesû Kîrîstû.

Kwoogu bûtigaakare ta bia. Ciûragaani bûra Mwathani eendaga bûrûtha.

Naabi, arûme, endagaani eekûrû beenu ta bûra Kîrîstû eendire kanica eeruta, aakua n'ûntû bwa yo.

Bûratûûraga mwinduuni, îndî îîndî bûrî werûûni ndeni ya Mwathani. Kwoogu karaani ta aana ba werû.

Woora muntû neenyithagie kîrî ûra ûngî n'ûntû bwa gûtîîya Kîrîstû.

Eekûrû, înyithagieni kîrî arûme beenu ta bûra bwînyithagia kîrî Mwathani.

Kwoogu wakîra ûmwe wacienu nabatîîrue eenda mwekûrû wake ta bûra eebendeete wengwa. Mwekûrû n'we nabatîîrue atîîya mûrûme wake.

Ta bûra kwandîkîîtwe *Maandîkooni Maatheru, “N'ûntû bwa gîtûmi gîku muntû mûrûme agaatiga îthe na gina, agwatithanue na mwekûrû wake, na barî baîrî batuîke mwîrî ûmwe.”

Bûtikaagwetanîrueni na mantû ma ûtheri ma mwindu. Gondokagîraani bara bamarûthaga.