Popular Bible Verses from AKOROSAI 3

Share

Inyîkanagîriani na rekanagîraani bwabîtanîria. Wata bûra Kîrîstû aabûrekeere, wana biû ibûbatîîrue bûrekagîra bara bangî babûbîtîria.

Bûtikaathûgaanagîrieni mantû ma aaga nthîgûrû. Thûgaanagîriani mantû ma îgûrû

Barutagîreeni ngûgî mantûûni monthe bûrî na nkoro imbega ta Mwathani bûkûrutîra ngûgî na t'antû.

Biû bûrî antû ba Ngai bara aathuurire. Bûrî baatheru na bûrî eendwa baake. Kwoogu îgaguani bûrî na nkoro cia kwîganagîîrua kîao. Îgaguani bûrî antû ba kûrûthaga mantû meega na ba kwînyithia, bûrî antû ba ûkiri na bûkîûmagîîria mantû.

Kiugo gîa Kîrîstû ikîbûûyûre nkorooni cienu. Tûmagîraani ûûme bunthe bwîrutanage na bweyanage ûkûrû bwingwa. Inagaani cabuurî, nyîmbo cia Ngai, na nyîmbo cia gîîkîrundu bûgîcookagîria Ngai nkaatho nkorooni cienu. Mantû monthe mara bûkaarûthaga, kana mara bûkaaragia, marûthageeni riîtwaani rîa Mwathani Yiesû bûgîcookagîria Ngai Baaba nkaatho gûkûrûkîîra kîrî Yiesû.

Na nkûrûki ya mantû monthe endanagaani n'ûntû wendo i bu bûtûgwatithanagia kûrû.

Woona bwariûkanîîrue amwe na Kîrîstû, mworooto wenu nwîgague ûrî wa mantû mara marî îgûrû kûra Kîrîstû akari nthî rûteere rwa njara ya ûrîo ya Ngai.

Nkoro cienu iciûyûrwe n'ûkiri bwa Ngai n'ûntû Ngai aabwîtire bûkaraga na ûkiri ta tûcuncî twa mwîrî ûmwe. Na rîonthe cookagîriani Ngai nkaatho.

Kwoogu karagaani taka bûrî baakuû kîrî mantû ma kîînthîgûrû: mantû ta ûmaramari, mantû ma rûko, na bata ya kûrûtha mantû maathûûku. Bûtikeerirîîrie into bia antû kwîrirîîria gûku kûthûkia kaanya ka Ngai.

n'ûntû ibwakuyanîîrie na Kîrîstû mwoyo wenu waigwa kîrî we ndeni ya Ngai.

Îndî îîndî bûtibatîîrue bûthûûra, kana bwîgua bûrî antû ba marûrû, kana bûrûtha ûthûûku, kana bûrumana kana bwaria mantû ma nthoni.

Na bûtibatîîrue bûrongoania n'ûntû ibwatiganire na mîtugo îmîthûûku îra bwatûûraga n'yo mbereeni. Îîndî bûtûûraga bûrî antû ba mûtugo ûngî ûra uumanagia na Ngai. Athiîte na mbere akîbûgarûraga meeciiria kaingo bûthi bûkîgarûkaga bûkara ta we.

Naabi arûme, endagaani eekûrû beenu. Bûtikaabeegue marûrû.

Naabi aana, athîkagîraani aciari beenu mantûûni monthe, n'ûntû ûgu i bu Mwathani akenagîîra.

Biû eekûrû, înyithagieni kîrî arûme beenu n'ûntû i bu kwagîrîte kîrî bara beetîgîîtie Mwathani.