Popular Bible Verses from FAILAUGA, 8

Share

Ona ou viia ai lea o le olioli; auā ua leai se mea lelei i le tagata i lalo o le la, na ona ia ‘ai, ma inu, ma olioli; auā e tumau lea ia te ia mai lana galuega, i aso o lona ola, ua foaiina mai e le Atua ia te ia i lalo o le la.

E ui lava ina faaselau ona fai o mea leaga o le ua agasala, ma ua faafualoaina lona ola; a ua ou iloa lava e manuia e ua matatau i le Atua, o e matatau i ona luma.

Auā ua i ai i mea taitasi o ona po ma le tonu; a e tele pea lava le leaga ua i le tagata

E leai se tagata ua i ai le pule i le agaga e taofi ai le agaga; e leai foi se pule ia te ia i le aso e oti ai; e leai lava se aueseina atu i lea taua; o le amio leaga foi e le laveaiina ai o e ua faia.

Auā ua le vave faaootia le sala i le amio leaga, o le mea lea ua matuā naunau ai loto o tagata e fai mea leaga.

Ua i ai lenei mea faatauvaa ua faia i le lalolagi; ua i ai e ua amiotonu, ua oo i ai mea e tatau i le galuega a e amio leaga; ua i ai foi o e ua amio leaga, ua oo i ai mea e tatau i le galuega a e amiotonu; ua ou faapea ifo, O le mea faatauvaa foi lea.

auā e le iloa e ia mea e tutupu; auā o ai se na te faailoa atu ia te ia ona po e tutupu ai?