Popular Bible Verses from FAILAUGA, 9

Share

O mea uma ua e iloa e faia e ou lima, ina faia ia ma lou malosi; auā e leai se galuega, po o se mafaufau, po o se iloa, po o se poto i le tuugamau, o loo e alu atu i ai.

Ua ou toe iloa foi i lalo o le la, ua le sini i le tausinioga e ua tele vavave, ua le malo i le taua e ua malosi, ua le i ai foi i e ua popoto le mea e ‘ai, ua le i ai i e ua faautauta le oloa tele, ua le i ai foi i e ua atamamai le alofaina mai; a o le tausaga ma le mea e tupu ai e oo ia te i latou uma.

Ia e fiafia i lou ola faatasi ma le avā ua e alofa i ai, i aso uma o lou ola faatauvaa, ua foaiina e le Atua ia te oe i lalo o le la, o ou aso faatauvaa uma; auā o lou tofi lea i lenei olaga ma lau galuega ua e galue ai i lalo o le la.

Ina alu ia, ina ‘ai i lau mea e ‘ai ma le olioli, ina inu foi ia i lau uaina ma le loto fiafia; auā o loo fiafia nei le Atua i au galuega.

E sili ona lelei o le poto i auupega o le taua; a e māumau i le tagata agasala e toatasi mea lelei e tele.

E sili ona faalogoina upu filemu a e popoto, i le alaga a le faipule valea.

Auā o e ua ola, ua latou iloa e oti i latou; a o e ua oti, latou te le iloa se mea; ua leai foi se toe totogi ia te i latou; auā ua faagalogaloina i latou.