Popular Bible Verses from FAILAUGA, 7

Share

Aua le faataalise ona ita o lou loto; auā e tumau le ita i loto o e valelea.

Ina fiafia ia i le aso e manuia ai, ia mafaufau foi i le aso e malaia ai; ua tuu feagai e le Atua le tasi i le tasi, ina ia le iloa e le tagata se mea e tupu pe a mavae atu o ia.

E sili ona lelei o le iuga o se mea i lona amataga; e sili ona lelei o le ua onosai i le ua loto faamaualuga.

E leai lava se tagata amiotonu i le lalolagi, o le na te faia amio lelei, ma le le agasala.

auā ua fai le poto ma mamalu, ua fai foi tupe ma mamalu; a o le aoga lenei o le poto ua maua, e ola ai e ua i ai.

E sili ona lelei o le ta‘uleleia i le suāuu lelei; ma le aso e oti ai e sili i le aso e fanau mai ai.

E sili ona lelei o le faalogo i le aoaiga a le tagata poto, i le faalogo o se tasi i le pese a e valelea.

E sili ona lelei o le alu i le fale o i ai le faanoanoa, i le alu i le fale ua fai ai le tausamiga; auā o le iuga lea o tagata uma; e manatua foi e le tagata ola i lona loto.

O le loto o le tagata poto ua i le fale o i ai le faanoanoa; a o le loto o e valelea, ua i ai lea i le fale o i ai le olioli.