Popular Bible Verses from ธง-เม่ง หว่า 17

Share

โล์-แกง ต่อย หฒั่นๆ ฮนั้ม จ๋า, มั์ว-ต่อย ธ้วด เสย เหว่ย เถง เจี๊ยน ดาม โค้ว หน่าน.

เฮญี้ยว เฌียน-โย่ว เซ หลง ไห่ เญย เดีย. เฮญี้ยว โค้ว ห่อย ซิน โค้ว เจี๊ยน เหฌี่ย.

หาย เต้า กวั่ง ฆอย เมี่ยน โหฒว ต่อง เญย สี่ ฯฒฯ ตุ๊ เมี่ยน ฮนั้ม, มป่า หาย เต้า หฑั่ม โหฒว ต่อง เญย เจ๊า ฯฒฯ แธะ ฆอย โล์-แกง ต่อย.

หาย เต้า ไฮ่ เญี์ยน ตุ๊ นิ่น เญย หว่า ม่าย ว่วน ฒาง, ไฮ่ ฒั้น ตุ๊ เฮญี้ยว เญย เมี่ยน เซ ไฮ่ เม่ง แปะ เญย เมี่ยน.

เลี่ยม เมี่ยน หฮงง เมี่ยน เซ้ก เหฑียะ, ไม้ โค โล, ฯฒฯ ฝุน ม่าย ธง-เม่ง, นิ่น หฆับ เจี๊ยน ฑุ่ย ไม้ ก๊อง หว่า ฯฒฯ ฝุน ไกว.

ดุ อ๋า หฮนาง-ฆาย, เปย๊า หย่า แป้ง ออน เซ้ก เญย, เซ เก้า หลง ม่าย อ๊อ ติ๊ว ปวั๊ง เตี้ย หย่า ม่าย แฑง จ๋า เญย สี่.

เจี์ย กอน แฑง จ๋า เซ ฮนั้ง ปู๋ง ววม เหลี่ยว ธ้วด. ฮนั้ง หน่าย อ๋อย หฒุ กวั่ง ฆอย ด่าง ม่าย แฑง จ๋า เญย สี่ ธ้วด.

หาย เต้า ปู๋ง โหฒว ต่อง เญย เมี่ยน, หย่า ปุน ไม้ โหฒว ต๋อง เญย เมี่ยน หฒุ ตี่ง ฒุ์ย, น้าย เต๋ย อี หญู่ง ฒู้ง ฟี่ ฮนั้ง เญย, เฒี้ยว โหยว ไห่.