ธง-เม่ง หว่า 17
17
1ดุ อ๋า หฮนาง-ฆาย, เปย๊า หย่า แป้ง ออน เซ้ก เญย,
เซ เก้า หลง ม่าย อ๊อ ติ๊ว ปวั๊ง เตี้ย หย่า ม่าย แฑง จ๋า เญย สี่.
2โหฒว ตุ๊ กง หลง, ธง-เม่ง เญย โปว#17:2 ไฟ โน่ว. ตุ๊ กุ๊น นิ่น เญย เฒี้ยว โหฒว สี่ ไญ้ เญย ตอน,
ฯฒฯ ตุ๊ หฑิบ ป่วน ด่ง เหยียด เต้า วั้ว เต๋ย มั์ว-ตอน ต่อย.
3ญ่าน เคาะ เซ เหว่ย สิน ญ่าน, โล่ว เซ เหว่ย สิน เจียม,
เซ เฒี้ยว เสย เมี่ยน เญย เฮญี้ยว.
4โหฒว เอ๊าะ เญย เมี่ยน หมวัง เมี่ยน หว่าย เมี่ยน เญย ฑุ่ย ก๊อง.
ก๊อง-แปะ เมี่ยน หมวัง ก๊อง-แปะ เมี่ยน เญย หว่า.
5หาย เต้า ฮว้วด เมี่ยน จ่ม เมี่ยน เซ หมั่ง เผีย เหฒย นิ่น ต้าย เญย ทิน-ฮู่ง.
หาย เต้า อะเฮน้ย เมี่ยน หฒุ เหฒะ หน่าน, วั้ว เต้า เปย๋า ไม้ ดุ๊ด ตี่ง ฒุ์ย.
6ฝุเจว๊ย-ฟุน เป๋น เมี่ยน โก๋ เมี่ยน เญย นี้ง,#17:6 ฟาน หฒะ ก๊อง “ตอน-ฟุน เป๋น อง เญย นี้ง”.
เตี๋ย หม่า เป๋น ฝุเจว๊ย เญย ฌัง-หล่าง.
7เมี่ยน หฮงง เมี่ยน ปู๋ง หว่า-เหมา#17:7 ไฟ “ก๊อง หว่า บย่าง, คู่ หมวัง”. เซ ไม้ ผุย.
โหฒว โฮล เญย เมี่ยน ก๊อง-แปะ เซ เก้า ฟัด ไม้ ผุย.
8หฒิว ปุน เญย เมี่ยน เญย มฒีง ปวัด, ญ่าน หฮมวัง เป๋น ปู๊ อ๊ะ,
ไม้ กุ๊น ฮวิน หาย ปูง หย่า ไฮ่ ตุ๊ หลง.
9หาย เต้า กวั่ง ฆอย เมี่ยน โหฒว ต่อง เญย สี่ ฯฒฯ ตุ๊ เมี่ยน ฮนั้ม,
มป่า หาย เต้า หฑั่ม โหฒว ต่อง เญย เจ๊า ฯฒฯ แธะ ฆอย โล์-แกง ต่อย.
10เหยียด โจ๋ว ก๊อง-เหม เญย หว่า ไฮ่ เถง เฮญี้ยว เม่ง แปะ เญย เมี่ยน
เก้า ธั้ม เมี่ยน หฮงง เมี่ยน หฒุ เบ๊าะ เหยียด แป๊ะ ปย๊า.
11เอ๊าะ เมี่ยน ขูง อ๋อย ล์อ เจ๊า ฟ้าน หลุ่น,
มป่า ฒู้ง ม่าย เต้า โตะ ไห่ เญย โต่ว เฝียน เมี่ยน อ๋อย ต้าย เบ๊าะ นิ่น.
12เมี่ยน มี่ง ปวั้ง เต้า หฒุ กวั่ง ตอน เญย เจี๊ยบ-เญ์ย,
เซ เก้า หลง ปวั้ง เมี่ยน หฮงง เมี่ยน โหฒว เจี๊ยน นิ่น หฮงง เญย สี่.
13หาย เต้า โหฒว เอ๊าะ สี่ วิ่น เมี่ยน โหฒว เญย คู้ สี่,
เอ๊าะ เญย สี่ ฯฒฯ ไม้ เล่ย ฆอย นิ่น เญย เปย๊า.
14เจี์ย กอน แฑง จ๋า เซ ฮนั้ง ปู๋ง ววม เหลี่ยว ธ้วด.
ฮนั้ง หน่าย อ๋อย หฒุ กวั่ง ฆอย ด่าง ม่าย แฑง จ๋า เญย สี่ ธ้วด.
15หาย เต้า ปู๋ง โหฒว ต่อง เญย เมี่ยน,
หย่า ปุน ไม้ โหฒว ต๋อง เญย เมี่ยน#17:15 ไฟ คู้ เมี่ยน. หฒุ ตี่ง ฒุ์ย,
น้าย เต๋ย อี หญู่ง ฒู้ง ฟี่ ฮนั้ง เญย, เฒี้ยว โหยว ไห่.
16เมี่ยน หฮงง เมี่ยน เญย ปั์ว เหว่ย หาย ติ่ว อ๋อย นั้น เจี๊ยน ญ่าน ม์าย ธง-เม่ง?
นิ่น ฒู้ง ไม้ ม่าย เฮญี้ยว โหะ ฮิ้ว.
17โล์-แกง ต่อย หฒั่นๆ ฮนั้ม จ๋า,
มั์ว-ต่อย ธ้วด เสย เหว่ย เถง เจี๊ยน ดาม โค้ว หน่าน.
18สัม ไม้ ธ้วด หาย หญู่ง เญย เมี่ยน แล์ง เปว เมี่ยน เญย แฒะ,
หย่า ตอง เจี๊ยน นิ่น เญย จวั่ง ล์าง เมี่ยน แล์ง โหฒว ดาม-ต้าว.
19หาย เต้า อะเฮน้ย โหฒว หว่าย สี่, นิ่น อะเฮน้ย แฑง จ๋า.
หาย เต้า โหฒว เปย๊า เญย แก้ง ฮลัง#17:19 ม่าย เต๋ย โซว ฟาน ต้าย ก๊อง “หาย เต้า หฒั่นๆ เธง-โฮล” ไฟ “เธง กั้น ปุ๊ด ฒ่อย เญย เจ๊า”. ฯฒฯ ล์อ เจ๊า ปุน กั้น หฒุ เหมียด.
20เฮญี้ยว ฌ้วด เญย เมี่ยน ไม้ ไฮ่ ตุ๊ หลง,
ก๊อง-แปะ เญย เมี่ยน ฒู้ง หฒุ เหฒะ หน่าน.
21เตีย ม่าย ตอน หฮงง ฯฒฯ ปุน เตีย เฑ่า,
เมี่ยน หฮงง เมี่ยน เญย เตีย ไม้ ม่าย เฌียน-โย่ว.
22เฮญี้ยว เฌียน-โย่ว เซ หลง ไห่ เญย เดีย.
เฮญี้ยว โค้ว ห่อย ซิน โค้ว เจี๊ยน เหฌี่ย.#17:22 ฮิบลู หว่า ก๊อง บู๊ง ฆาย.
23เอ๊าะ เมี่ยน เป่ย เดี๊ย ฒิบ ญ่าน หฮมวัง
เหว่ย โหฒว หว่าย แป้ง ฟิม เญย เจ๊า.
24เมี่ยน ไกว เมี่ยน เญย เฮมียน หูง เจี๊ยน ธง-เม่ง เญย เจ๊า มี่ง,
มป่า เมี่ยน หฮงง เมี่ยน เญย มฒีง หมั่ง ลู่ง กอน.
25หฮงง เญย ตอน ปุน นิ่น เญย เตีย หฒุ เฑ่า,
หย่า ปุน นิ่น เญย มา เฮญี้ยว มุน.
26ปาด คู้ เมี่ยน เซ ไม้ เป๋น,
เบ๊าะ เฮญี้ยว หลง เญย เมี่ยน#17:26 ไฟ “โหฒว โฮล เญย คู้ เมี่ยน”. หย่า ไม้ หอบ.
27หาย เต้า ไฮ่ เญี์ยน ตุ๊ นิ่น เญย หว่า ม่าย ว่วน ฒาง,
ไฮ่ ฒั้น ตุ๊ เฮญี้ยว เญย เมี่ยน เซ ไฮ่ เม่ง แปะ เญย เมี่ยน.
28เลี่ยม เมี่ยน หฮงง เมี่ยน เซ้ก เหฑียะ, ไม้ โค โล, ฯฒฯ ฝุน ม่าย ธง-เม่ง,
นิ่น หฆับ เจี๊ยน ฑุ่ย ไม้ ก๊อง หว่า ฯฒฯ ฝุน ไกว.
Currently Selected:
ธง-เม่ง หว่า 17: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
