Popular Bible Verses from ก๊อง เสย หฒั่ง 3

Share

หญู่งๆ ม่าย ตี่ง เญย ธุน-เธียว. เยียม ลู่ง เดี๊ย หม่าน สี่ ม่าย ตี่ง เญย เฒี่ยง โห่.

ม่าย เฒี่ยง โห่ ธ้วด เสย, ม่าย เฒี่ยง โห่ เกวย เสย. ม่าย เฒี่ยง โห่ หฒวัง, ม่าย เฒี่ยง โห่ แปง ธ้วด. ม่าย เฒี่ยง โห่ ไต๋, ม่าย เฒี่ยง โห่ หฒ่อ หลง. ม่าย เฒี่ยง โห่ แธะ, ม่าย เฒี่ยง โห่ เหธย เจี์ย.

ม่าย เฒี่ยง โห่ เญี้ยม, ม่าย เฒี่ยง โห่ จั๊ด. ม่าย เฒี่ยง โห่ เฑ่า เญี้ยม, ม่าย เฒี่ยง โห่ หธัง เหย. ม่าย เฒี่ยง โห่ ฒอย หละเปย๊ย กวั่ง, ม่าย เฒี่ยง โห่ เฑ์า ฒุ้น. ม่าย เฒี่ยง โห่ ชัม, ม่าย เฒี่ยง โห่ ไม้ ชัม.

ม่าย เฒี่ยง โห่ เป๊ด, ม่าย เฒี่ยง โห่ ลุ่น. ม่าย เฒี่ยง โห่ เซ้ก, ม่าย เฒี่ยง โห่ ก๊อง หว่า. ม่าย เฒี่ยง โห่ ฮนั้ม, ม่าย เฒี่ยง โห่ ฑอง. ม่าย เฒี่ยง โห่ เบ๊าะ ต้ม จ๋า, ม่าย เฒี่ยง โห่ ถาย-แป้ง.

ม่าย เฒี่ยง โห่ ล์อ, ม่าย เฒี่ยง โห่ มัวะ ตี๋ง ล่าย. ม่าย เฒี่ยง โห่ เซียว, ม่าย เฒี่ยง โห่ กวั่ง.

เยีย ฮิ้ว ตุ๊ ทิน-ฮู่ง โหฒว เญย เหยียด ฒู้ง อ๋อย เหยียด ลิ์ว เยียม. ไม้ ไฮ่ ทิบ เต๋ย เปียะ, ไม้ ไฮ่ เฒาะ เต๋ย ธ้วด. ทิน-ฮู่ง ฮนั้ง หน่าย นอ โหฒว เหว่ย อ๋อย เมี่ยน เยียม นิ่น เญย หฑะเฮมียน กั้ม เหฑีย นิ่น, ท่าย นิ่น.

เยีย เยียม เฮญี้ยว ฮนั้ม, “ทิน-ฮู่ง อ๋อย เซี้ยม คู้ เมี่ยน เหธา เอ๊าะ เมี่ยน, เหว่ย หฒุ หญู่งๆ สี่ เหธา หญู่งๆ โหฒว เญย เจ๊า ม่าย ตี่ง เญย เฒี่ยง โห่.”