Popular Bible Verses from ก๊อง เสย หฒั่ง 2

Share

เหว่ย หฒุ ทิน-ฮู่ง เหธย ธง-เม่ง, ว่วน ฒาง เหธา เฌียน-โย่ว ปุน หอบ นิ่น เญย เฮญี้ยว เญย เมี่ยน. มป่า ฒุ์ย-เมี่ยน นิ่น ปุน โหฒว กง โค้ว เซียว ฒุ้น, ดุย เจี๊ยน ฒิ่น ฒ่อย, จิว ปุน หอบ ทิน-ฮู่ง เญย เฮญี้ยว เญย เมี่ยน. น้าย ฟี่ ฮนั้ง เญย ขูง-ม่อง. ขูง ปุน หฑยาว สาว ฮนั้ง.

เหว่ย ป้าม เมี่ยน ไม้ ม่าย หาย หญู่ง เก้า หลง หญั่น หย่า ฮบ, เหธา ล่าว หลุ่ย โหฒว กง ตุ๊ เฌียน-โย่ว. น้าย เยีย หย่า ปวัด เยียม ทิน-ฮู่ง เญย ปั์ว ต้าย. เมี่ยน ไม้ เขา ทิน-ฮู่ง, หาย เต้า ไฮ่ ตุ๊ หญั่น ไฟ ล์อ เฌียน-โย่ว เญย เจ๊า?

เยีย สัม หมั่ง เยีย เญย ปั์ว โหฒว เจี๋ย ต้าย เญย หญู่งๆ, เหธา เยีย ล่าว หลุ่ย โหฒว เญย เหยียด ฒู้ง กง, ฮิ้ว ตุ๊ เซ ขูง-ม่อง, ขูง ปุน หฑยาว สาว ฮนั้ง, เยียม น้าย เสย หฒั่ง ไม้ ไฮ่ ตุ๊ หาย หญู่ง หลง.

เยีย เญย มฒีง ปวัด อ๋อย หล่ง หาย หญู่ง เยีย ไม้ แหง่ง, เยีย เญย เฮญี้ยว อ๋อย โหฒว หาย หญู่ง ตุ๊ เฌียน-โย่ว เยีย หย่า ไม้ ล่าน, เหว่ย หฒุ เยีย เญย เฮญี้ยว อะเฮน้ย ไห่ เยีย โหฒว เญย หญู่งๆ กง. น้าย เซ เยียม เยีย ล่าว หลุ่ย ตุ๊ ต้าย เญย ฒี่ง เหญ่ย.

เยีย เฒียะ ตุ๊ ธง-เม่ง เก้า หลง โหฒว หฮงง เญย, ฮนั้ง ฌัง เก้า หลง หฮมวัง.

ธง-เม่ง เมี่ยน เญย มฒีง ฌัง, มป่า เมี่ยน หฮงง เมี่ยน ยั่ง หฮมวัง กะญั์ว. ไม้ กุ๊น ฮนั้ง หน่าย, เยีย ปวัด ตุ๊ เม่ง เญย. อี ฮ่อง เมี่ยน ฒู้ง หฒุ ปวั้ง ฟี่ ฮนั้ง เญย.

เหว่ย หฒุ เมี่ยน หล่ง ธง-เม่ง, หล่ง ว่วน ฒาง, หล่ง ปั้น เหฒ่ย โหฒว นิ่น เญย กง, ฆะฮ้า อ๋อย หฒุ เลี่ยว เหฌี่ย ปุน กั้น เต้า ไม้ ด๊อด ชะ โหฒว เญย เมี่ยน. น้าย เซ ขูง-ม่อง หย่า หฒะเก้ง ไม้ หอบ.