Popular Bible Verses from 1 โค​ลิน​โท 2

Share

มป่า ฮนั้ง กีง-โซว เฟี้ย เจี๊ยน ก๊อง. “มฒีง ไม้ ปวัด เจี๋ย, มน่อม ไม้ ไฮ์ เจี๋ย, ไม้ ม่าย หาย เต้า ฮนั้ม ตุ๊ เถา เญย สี่, ทิน-ฮู่ง หลิ่ว เล์ย เหฒียง ปุน ฮนั้ม นิ่น วั้ว เต๋ย เมี่ยน.”

หาย เต้า ไม้ ม่าย สีง ลี่ง ไม้ ไฮ่ ฒิบ ทิน-ฮู่ง ปุน ต้าย เญย ฒี่ง เหญ่ย. น้าย หญู่ง เมี่ยน ไม้ ไฮ่ เม่ง แปะ น้าย เต๋ย ฒี่ง เหญ่ย, ฒู้ง ฝุน เซ หฮงง ไห่, เหว่ย หฒุ ขูง ม่าย สีง ลี่ง ต้อ เญย เมี่ยน หธีง ต้าย ไฮ่ สัม ตุ๊ ธ้วด.

มป่า ไม้ แก้ง บย๋าง ย่าง เญย สี่, ทิน-ฮู่ง หล่ง สีง ลี่ง ปุน บัว ฮิ้ว, เหว่ย หฒุ สีง ลี่ง ฒ่า โถว หญู่งๆ. เลี่ยม ทิน-ฮู่ง โด เจี๋ย เญย หฒะเอ๋ย หย่า ฒ่า ตุ๊ โถว.

บัว ไม้ เฒ์ย ฒิบ ป้าม เมี่ยน เญย เฮญี้ยว. บัว ฒิบ เญย เซ ทิน-ฮู่ง พ้าย ต้าย เญย สีง ลี่ง เหว่ย ปุน บัว ฮิ้ว ตุ๊ ทิน-ฮู่ง เหธย ปุน เญย หญู่งๆ.

เยีย ก๊อง เญย หว่า, ฒุ่น เญย โต์ ไม้ เฒ์ย หล่ง ป้าม เมี่ยน เญย ธง-เม่ง ก๊อง หว่า บย่าง, มป่า ปุน ธีง สีง ลี่ง ม่าย ต้ม ชะ. ฮนั้ง หน่าย, เม่ย บัว เญย เสียน ฟิม ไม้ เฒ์ย ปั่ง ป้าม เมี่ยน เญย ธง-เม่ง, เซ ปั่ง ทิน-ฮู่ง เญย ชะ.