Popular Bible Verses from Mga Darahonon 17

Share

Dayuday nagsisighigugmaay an mga magsarangkay. Ano ba an pagkamagburugto, kon diri an pag-inangbitay hin kakurian?

Nakakapaupay han imo panlawas an pagkamalipayon. Mahinay nga kamatayon an dayuday nga pagkamasamdong.

Kon karuyag mo nga karuyagon ka han mga tawo, pasayloa hira kon makasayop hira ha imo. An pagdumdum hin mga sayop nakakabungkag hin kamagsarangkay.

An tawo nga may hibaro diri mayakan. An mga tawo nga murayaw an hunahuna may tinuod nga kaaram.

Bisan ngani an lurong, kon nahilom hiya ngan natak-om han iya baba, bangin paghunahunaon nga makinaadmananon ngan maaram.

Mauruupay pa an pagkaon hin pangkag nga tinapay nga murayaw an imo hunahuna, kay hin pagkamay-ada kombite didto hin balay nga puno hin kasamokan.

An pagtikang hin lantugi sugad han syahan nga pagkabulwang hin patubigan, saropa ini dayon nga diri pa ini nagtitikadako.

An paghukom ha karat-an han waray sala o pagbuhi han salaan—ini nga duha nangangalsan han GINOO.