Popular Bible Verses from Mga Darahonon 16

Share

Hangyoa an GINOO nga bendisyonan niya an imo mga larang, ngan magmamainuswagon ka hini hin pagtuman.

Makakahimo ka han imo mga larang, kundi an Dyos an magbubuot han imo mga ginawian.

Sugad hin dugos an mga pulong nga maloloy-on, matam-is ngan maupay ini para han imo panlawas.

Makakaghimo kita han aton mga larang, kundi an Dyos an may-ada kataposan nga pulong.

Mauruupay an pagkamapailobon kay han pagkagamhanan. Mauruupay an pagpugong han imo kalugaringon kay hin paghadi hin bug-os nga syudad.

Nagdadalan an kamapahitas-on ngadto ha pagkapukan, ngan an kamalabyaw ngadto ha pagkabungkag.

Makakahunahuna ka nga matadong an ngatanan nga imo binubuhat, kundi ginhuhukman han GINOO an imo katuyoanan.

Pamatii an igintututdo ha imo ngan ikaw magmamainuswagon; sarigi an GINOO, ngan ikaw magmamalipayon.

Gabay may-ada ka la gutiay nga maangkon mo ha tangkod nga pagpatigayon, kay hin dako nga kinikita ha paagi nga linimbong.

An imo ginhuhunahuna nga matadong nga dalan bangin makagdara ha imo ngadto ha kamatayon.

Ginpapasarang an paglibak hin magraot nga mga tawo; nag-aaghat hira hin kasamok ngan nakakautod hin pagkamagsarangkay.