Popular Bible Verses from Mga Darahonon 15

Share

An malumo nga pagbaton nakakapahugpoy hin kasina, kundi an maisog nga mga pulong nakakaaghat la lugod.

An pagtahod han GINOO amo in usa nga pag-aradman. Kinahanglan magmapinaubsanon ka san-o ka kumarawat hin kadungganan.

Nahatag hin kinabuhi an maloloy-on nga mga pulong, kundi nakakasamad han imo kasingkasing an magpintas nga yayaknon.

Pamatii an ngatanan nga sagdon nga ihahatag ha imo ngan magmamainuswagon ka; kon waray mo hini waray ka mahihimo.

Mahiyomhiyom an mga tawo kon hira malipayon, kundi masulob-on pagkit-on kon hira mabidoon.

Nakita an GINOO han nahinanabo ha ngatanan nga dapit; nakita hiya han aton ginbubuhat—magmaupay o magmaraot.

Gabay la makablas ngan may pagkahadlok han GINOO, kay han pagkariko ngan aada ha kasamokan.

An magpaso nga ulo amo an tinikangan hin lantugi, kundi nagdadara hin kalinaw an kamapailobon.

Naghuhunahuna anay an mga mag-upay nga diri pa hira nabaton. Nakakasamok an mga magraot nga nasagbang la dayon.